Jérémie 39:1 - Mbeti ti Nzapa - Tënë so amu fini

¹ Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga angoro gbata ti Jérusalem ti mu ni na bira.

Jérémie 39:1 Iomraidhean Croise

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Jérémie 32:1

Tënë ti *KOTA GBIA asi na Jérémie na ngu baleoko ni so Sedesias ayeke gbia ti Juda; ngu ni so alingbi na ngu baleoko na miombe ni so Nabukodonosor ayeke gbia ti Babilone.

Jérémie 34:1

Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Jérémie 52:1

Sedesias ayeke na ngu baleuse na oko si lo ga gbia; lo le-gbia ngu baleoko na oko na Jérusalem. Iri ti mama ti lo ayeke Hamutal, molenge ti Irmeya, zo ti gbata ti Libna.

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Ezekiel 33:21

Na lango oku ti nze baleoko ni, na ngu baleoko na use ni, na peko ti so a gbu e, a gue na e na kodro wande, mbeni zo so angba na fini na peko ti so a mu gbata ti Jérusalem, aga si atene na mbi: “Gbata ni ati awe!”

Ezekiel 4:3

Mo mu mbeni kota le ti wen, mo zia ni aluti na popo ti mo na gbata ni. Mo baa ndo na mbage ti gbata ni si le ti mo angba gi na ndö ni: mo laa mo yeke sara bira na gbata ni. Aye so kue aye ti fa mbeni ye ti gbotongo mê ti azo ti Israel.

Ezekiel 40:1

Na ngu baleuse na oku ni, na peko ti so a gbu azo, a gue na ala na kodro wande, na tongo nda ti ngu ni, na lango baleoko ti nze ni; na ngu baleoko na osio na peko ti so gbata ti Jérusalem ati awe, taa gi na lango ni so, maboko ti *KOTA GBIA agbu mbi si ague na mbi kâ.

Ezekiel 5:2

Tongana lango so awato angoro gbata ni ti mu na bira alingbi awe, fade mo yeke mu kozo mbage ni, mo gbi ni na be ti gbata ni. Mo yeke mu use mbage ni, mo fâ ya ni na yongoro zeme, mo ngoro na gbata ni kue. Mo yeke mu ota mbage ni, mo tuku ni na le ti nduzu si pupu amu ahon na ni; ti mbi, fade mbi yeke gboto yongoro zeme ti mbi ti tumba na peko ni.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Ndia ti fani use ni 28:36

Fade KOTA GBIA ayeke sara si a gbu ala ti gue na ala na kodro wande, ala na gbia so ala yeke soro lo; a yeke gue na ala na ya ti mbeni kodro so ala wani ahinga ni pepe, ataa akotara ti ala nga ahinga ni ando pepe. Kâ, fade ala yeke voro ambeni nzapa nde so a sara ala na keke wala na têne.