Jérémie 34:9 - Mbeti ti Nzapa - Tënë so amu fini

⁹ Zo oko oko alingbi fade ti zi na gbe ti ngbaa azo so ayeke ahebro, akoli ni na awali ni. Alingbi fade titene zo akiri asara ita ti lo zuife na ngbaa pepe.

Jérémie 34:9 Iomraidhean Croise

Tongo nda ti aye 14:13

Mbeni zo akpe na maboko ti azo ni si lo ga lo tene tënë ni na Abram, zo ti mara ti Hebro so ayeke duti na ndo so akeke ti shene ti Mamre ayeke daa. Mamre ayeke zo ti mara ti Amori. Lo yeke ita ti Eshekol na Aner. Ala na Abram ayeke *ambuki.

Tongo nda ti aye 40:15

Biani, a gbu mbi na ngangu na kodro ti ahebro si a ga na mbi ge. So mbi yeke ge so, mbi sara nga mbeni ye oko pepe si a bi mbi na da ti kanga so.”

Sigingo 2:6

Lo zi yanga ti sakpa ni si lo baa kete molenge-koli so ayeke toto. Mawa ti molenge ni asara lo si lo tene: “So mbeni molenge ti ahebro laa!”

Sigingo 3:18

“Azo ti Israel ayeke ma ande mo; tongaso mo na akangba, ala yeke gue na ndo ti gbia ti Ezipte si ala yeke tene na lo: ‘KOTA GBIA, Nzapa ti ahebro afa tere ti lo na e. Fadeso, mu na e lango ota, e gue na benyama, e mu *sandaga na KOTA GBIA, Nzapa ti e.’

Jérémie 25:14

Biani, fade azo ti Babilone nga ayeke duti na gbe ti komandema ti amara mingi na ti angangu gbia. Lege so mbi yeke futa na ala peko ti asarango ye ti ala nga na sioni so kue ala sara laa.”

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 30:8

“So tënë ti yanga ti KOTA GBIA so ayeke na ndö ti dunia kue laa: Tongana lango ni alingbi awe, fade mbi yeke fâ ya ti *zuge so ayeke ne na go ti ala, mbi yeke zi azingiri ti ala. Tongaso ala yeke kiri ti duti ngbaa ti awande pepe,

Jérémie 34:10

Akota zo ti kodro na azo ti Jérusalem so kue ama tere na lege ti mbuki ni, ayeda ti zi angbaa ti ala, akoli ni na awali ni. Ala yeda nga si zo akiri amu mba ti lo na ngbaa pepe. Zo oko oko asara fade ye alingbi na tënë ti mbuki so, nilaa ala zi angbaa ti ala.

1 Korente 6:8

Me ala laa ayeke sara sioni na amba ti ala si ala yeke nzi aye ti azo! Andaa azo ni so ayeke a-ita ti ala, azo ti Christ!

2 Korente 11:22

Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

Ndia ti fani use ni 15:12

Moïse atene: Tongana mbeni ita ti ala hebro, koli wala wali, aka tere ti lo na ala si lo sara kua na ala tongana ngbaa, fade lo yeke sara kua ni na ya ti ngu omene. Na ngu mbarambara ni, ala yeke zi lo na gbe ti ngbaa ni.

Filipe 3:5

Mbi yeke taa zo ti mara ti Israel, zo ti mara ti Benjamin, akotara ti mbi kue ayeke azuife. Lango miombe na peko ti so a du mbi, a fâ mbi na ganza. Na lege ti batango ndia, mbi yeke taa *farizien.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”

1 Samuel 4:6

Azo ti Filistii ama dekongo ni si ala tene: “Nda ti dekongo na ya ti bâbâ ti azo ti Israel so aye ti tene nyen?” Na pekoni, ala hinga atene, sanduku ti mbuki ti KOTA GBIA asi na ya ti bâbâ ti azo ti Israel awe.

1 Samuel 4:9

Ala azo ti Filistii, ala gbu ngangu! Ala sara ye ti koli si ahebro amu ala na ngbaa pepe tongana ti so lani e mu ala na ngbaa so. Ala sara ye ti koli, ala tiri bira ngangu!”