Jérémie 34:2 - Mbeti ti Nzapa - Tënë so amu fini

² “Tënë so KOTA GBIA, Nzapa ti Israel atene ayeke so: Gue mo baa Sedesias, gbia ti Juda; mo tene na lo, mo tene: Tënë so KOTA GBIA atene ayeke so: Mbi yeke zia gbata so na maboko ti gbia ti Babilone, fade lo yeke bi wâ daa.

Jérémie 34:2 Iomraidhean Croise

2 Agbia 25:1

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; lo na azo ti lo abongbi sese aga koto na tere ti gbagba ti gbata ni, angoro ni kue.

2 Agbia 25:9

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 21:4

Tënë so KOTA GBIA, Nzapa ti Israel atene ayeke so: ‘Aye ti bira so ala yeke mu ti tiri na gbia ti Babilone nga na aturugu ti lo so ayeke na gigi ti gbagba ni so, fade mbi yeke sara si aye ti bira ni aturne, atuku kue na be ti gbata ni.

Jérémie 27:22

‘Fade a yeke gue na akungba ni kue na Babilone, ayeke ngba kâ ngbii asi na ndembe so mbi yeke baa lege titene a kiri na ni ge.’ ” So tënë ti yanga ti KOTA GBIA laa.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 38:23

Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.