Jérémie 34:1 - Mbeti ti Nzapa - Tënë so amu fini

¹ Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

Jérémie 34:1 Iomraidhean Croise

Jérémie 1:15

Mbi yeke iri amara nde nde ti Banga kue ti ga; ala yeke londo na ya ti akodro-gbia; so tënë ti yanga ti KOTA GBIA laa. Fade ala yeke ga, ala zia ambata ti ala ti gbia taa na tere ti ayanga ti gbagba ti Jérusalem; ala yeke zia ambata ni na tere ti gbagba ni angoro ni kue, nga na tere ti agbata ti sese ti Juda kue.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Jérémie 32:1

Tënë ti *KOTA GBIA asi na Jérémie na ngu baleoko ni so Sedesias ayeke gbia ti Juda; ngu ni so alingbi na ngu baleoko na miombe ni so Nabukodonosor ayeke gbia ti Babilone.

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Jérémie 34:7

Na ngoi ni so, aturugu ti gbia ti Babilone ayeke tiri bira na Jérusalem nga na agbata use ti Juda, Lakish na Azeka, so ngangu gbagba ayeke na tere ni si ade aturugu awara lege ti mu ni pepe so.

Daniel 4:1

“Mbi Nabukodonosor, mbi yeke duti ti mbi lani kpoo na ya ti da ti mbi si mbi yeke nzoni na yangbo ti mbi.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.