Jérémie 33:4 - Mbeti ti Nzapa - Tënë so amu fini

⁴ Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 33:4 Iomraidhean Croise

Ésaïe 22:10

Ala diko ada ti Jérusalem awe, ala kungbi ambeni da ni na sese ti sara si gbagba ti gbata ni akpengba ngangu.

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Jérémie 32:24

“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Abia ti demango tere 2:7

Be ti KOTA GBIA akiri aye gbalaka ti asandaga ti lo mbeni pepe; lo ke kota da ti lo awe. Agbagba ti ada ti makonzi ti Sion so, KOTA GBIA azia ni na maboko ti awato awe. Mo ma go ti azo kirikiri na ya ti kota da ti KOTA GBIA, mo baa mo tene lango ti matanga laa.

Ezekiel 21:22

Mbi nga, mbi yeke pika maboko ti mbi; mbi yeke sara ye ni ngbii ngonzo ti mbi ti wâ ade si. Mbi KOTA GBIA laa mbi tene tënë so.”

Ezekiel 26:8

Lo yeke buba agbata so ayeke nduru na mo, na yanga ti kota ngu-ingo. Na pekoni, lo yeke koro du na gbe ti sese na tere ti mo kue, lo yeke bongbi sese aga *koto na tere ti mo si lo yeke mu gba ti *avala ti kanga lege na ale ti kokora ti mo.

Ezekiel 4:2

Na pekoni, mo leke ambeni ye so afa atene, awato angoro gbata ni ti mu na bira; mo koro du na gbe ti sese na tere ni kue, mo bongbi sese aga *koto na tere ni, mo zia abâbâ ti aturugu nga na amasini ti bira angoro ni kue.

Habakuk 1:10

Ala yeke baa agbia tongana ambumbuse zo, akota zo ti kodro aga tongana ye ti ngia na le ti ala. Agbata so angangu gbagba ayeke na tere ni, ala yeke he ni hengo na ngia, ala yeke bongbi gba ti sese na tere ti gbagba ni si ala yeke mu agbata ni.

Ndia ti fani use ni 20:20

Me akeke so ala baa atene, ayeke le alengo ni so zo alingbi ti te ni pepe, ala lingbi ti fâ ni, wala ti de ni na sese senge. Ala lingbi ti mu ni ti sara na kua ti bira na ndembe so ala ngoro gbata so azo ti gbata ni ayeke sara bira na ala; ala yeke sara tongaso ngbii ala mu gbata ni.