Jérémie 33:3 - Mbeti ti Nzapa - Tënë so amu fini

³ Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Jérémie 33:3 Iomraidhean Croise

Abia (Psaumes) 145:18

KOTA GBIA ayeke nduru na azo so kue ayeke iri lo ti mu maboko na ala, ala so kue ayeke iri lo na be ti ala kue.

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Ésaïe 45:3

Mbi yeke mu na mo amosoro so alu na gbe ti sese nga na amosoro so ahonde. Tongaso si mo hinga, mo tene, mbi laa mbi yeke KOTA GBIA. Sirus, mbi iri mo taa na iri ti mo, mbi so mbi yeke Nzapa ti Israel.

Ésaïe 48:6

Ye so mbi fa tënë ni lani na ala, ala ma ni awe, ala baa so ye ni asi awe. Ti ala, fade ala yeke fa tënë ni pepe? Fadeso, mbi yeke fa tënë ti afini ye na ala, afini ye so angba na hondengo ni si ala hinga ni pepe so.

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Jérémie 23:35

Tënë so ala yeke tene ande na popo ti ala na amba ti ala laa: ‘KOTA GBIA akiri tënë, lo tene nyen?’ wala ‘KOTA GBIA atene nyen?’

Jérémie 29:12

Tongaso, tongana ala di iri ti mbi si ala gue ti sambela mbi, fade mbi yeke ma ala.

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Jérémie 32:27

“Mbi KOTA GBIA, mbi yeke Nzapa ti ye so kue ayeke na fini. Mbeni ye so ayeke ngangu na mbi ayeke daa?

Daniel 2:18

Lo hunda na ala titene ala voro tere ti ala na Nzapa so ayeke na yayu titene, na lege ti nzoni be ti lo, lo fa na ala nda ti ye ti ndima so. Tongaso si a bongbi ala na tanga ti azo ti nganga so ayeke na Babilone ti fâ ala pepe.

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 2:23

Mo, Nzapa ti akotara ti mbi, mbi mu singila na mo, mbi gonda mo! Mo mu na mbi ndara na ngangu. Biani, mo fa na mbi nda ti ye so e hunda na mo. Mo fa na e tënë ti ye so aso be ti gbia so.”

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.

Matthieu 13:35

Lo sara tongaso titene tënë so wayanga-Nzapa atene, aga taa-tënë; lo tene: “Fade mbi yeke zi yanga ti mbi ti tene tënë na ala na lege ti atoli. Mbi yeke tene ande tënë ti aye so angba na hondengo ni, ngbene ye so dunia abaa gigi ngbii asi laso.”

Awatokua 2:21

Tongaso, zo so kue ayeke iri Kota Gbia ti mu maboko na lo, fade lo yeke soo kuâ.’

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

Efeze 3:20

Nzapa alingbi ti sara na e ye ahon ye so kue e yeke hunda na lo wala ye so kue e yeke gbu li ti e daa! Lo yeke sara ni na lege ti ngangu ti lo wani so ayeke na ya ti e.

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ndia ti fani use ni 4:7

KOTA GBIA Nzapa ti e ayeke lakue nduru na e tongana e iri lo ti mu maboko na e. Mbeni kota mara nde ayeke daa so anzapa ti lo ayeke nduru na lo tongana ti e so?

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”