Jérémie 33:1 - Mbeti ti Nzapa - Tënë so amu fini

¹ So Jérémie ade na ya ti gbagba ti aturugu ti batango gbia, na ndo so a kanga lo daa, tënë ti *KOTA GBIA akiri asi na lo, atene:

Jérémie 33:1 Iomraidhean Croise

Jérémie 32:8

“Tongana ti so KOTA GBIA atene lani na mbi, ita ti mbi Hanameel, molenge ti ita ti babâ ti mbi aga si awara mbi na ya ti gbagba ti aturugu ti batango gbia; lo tene na mbi: ‘Vo yaka ti mbi so ayeke na Anatot, na sese ti Benjamin. Biani, tënë ti vongo yaka ni titene aga ti mo abaa mo kozoni.’ “Tongaso mbi hinga, mbi tene, KOTA GBIA laa atene tënë na mbi so.

Jérémie 36:5

Na pekoni, Jérémie amu yanga na Baruk, atene: “A kanga lege na mbi awe; mbi lingbi ti gue na ya ti kota da ti Nzapa pepe.

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Jérémie 38:28

Jérémie angba na ya ti gbagba ti aturugu ti batango gbia ngbii asi na lango so a mu Jérusalem. Baa, ye so asi na ndembe so a mu Jérusalem laa:

2 Timothée 2:9

Ndali ti Nzoni Tënë ni, a kanga mbi na zingiri si mbi yeke baa pasi tongana sioni zo. Me a kanga tënë ti Nzapa pepe.