Jérémie 32:9 - Mbeti ti Nzapa - Tënë so amu fini

⁹ “Nilaa mbi vo yaka ti Hanameel, molenge ti ita ti babâ ti mbi; yaka so ayeke na Anatot. Mbi futa ngere ni na ale ti nginza baleoko na mbarambara.

Jérémie 32:9 Iomraidhean Croise

Tongo nda ti aye 24:22

So azambala ni anyon ngu ni awe, koli ni amu mbeni *kati ti lôro so nengo ni aga nduru na grame omene, na aye ti maboko use so a sara na lôro, nengo ti oko aga nduru na grame ngbangbo oko, lo mu na maseka-wali ni.

Tongo nda ti aye 37:28

Azo ti dengo buze ti kodro ti Madian ayeke hon na mbage ni kâ. Ala gboto Joseph na ya ti du ti ngu ni, ala sigigi na lo si ala ka lo na azo ti mara ti Ismael ndali ti ale ti nginza baleuse; azo ni ague na lo na Ezipte.

1 Agbia 20:39

So Akab aga ti hon, wayanga-Nzapa ni adekongo na lo, atene: “Gbia! Mbi zo ti kua ti mo, mbi yeke taa na ya ti bira. So bira ni angba ti kporo, mbeni zo so asigigi na ya ti bira ni aga azia na maboko ti mbi mbeni zo ti kanga; zo ni atene: ‘Mo bata na mbi koli so nzoni! Tongana lo kpe, fade mo laa, mo yeke wara kuâ na peko ti lo, wala mo yeke futa ale ti nginza saki ota.’

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Esther 3:9

Gbia, tongana be ti mo aye, fade mo su maboko ti mo na gbe ti mbeni ndia ti mu lege na e ti fâ ala kue. Fade mbi yeke mu na akota zo so ayeke baa ndo na ndö ti amosoro ti gbia wen ti nginza so nengo ni ayeke kilo saki ngbangbo ota titene ala tuku ni na ya ti sanduku ti nginza ti gbia.”

Sigingo 21:32

Tongana bagara ni afâ mbeni ngbaa ti koli wala ti wali, fade wa ti bagara ni ayeke futa na wa ti ngbaa ni ale ti nginza baleota. Na pekoni, a yeke bo bagara ni na têne ti fâ lo.

Ésaïe 55:2

Ndani nyen si ala yeke buba nginza ndali ti ye so ayeke kobe pepe so? Ndani nyen si ala yeke baa pasi ndali ti ye so ayeke si ya ti zo pepe so? Ala ma mbi nzoni, fade ala yeke duti na nzoni kobe ti tengo ni, ala yeke te anzerengo kobe.

Ezekiel 4:10

Mo yeke haka kobe ti mo ti lango oko, nengo ni alingbi nduru na grame ngbangbo use. So ayeke kobe ti mo na ya ti lango oko oko laa.

Osée 3:2

Tongaso, mbi ka na peko ti wali ti mbi ale ti nginza baleoko na oku nga na kilo ti *orze ngbangbo osio.