Jérémie 32:8 - Mbeti ti Nzapa - Tënë so amu fini

⁸ “Tongana ti so KOTA GBIA atene lani na mbi, ita ti mbi Hanameel, molenge ti ita ti babâ ti mbi aga si awara mbi na ya ti gbagba ti aturugu ti batango gbia; lo tene na mbi: ‘Vo yaka ti mbi so ayeke na Anatot, na sese ti Benjamin. Biani, tënë ti vongo yaka ni titene aga ti mo abaa mo kozoni.’ “Tongaso mbi hinga, mbi tene, KOTA GBIA laa atene tënë na mbi so.

Jérémie 32:8 Iomraidhean Croise

1 Agbia 2:26

Na pekoni, gbia atene na wayango-sandaga Abiatar: “Londo mo gue na Anatot, na ndo ti mo, ngbanga ti so mo lingbi na kuâ. Mbi yeke fâ mo laso pepe, ngbanga ti so mo yo lani sanduku ti *mbuki ti Kota Gbia NZAPA ti tambula na ni na dawa ti babâ ti mbi David si mo na lo abaa pasi mingi.”

1 Agbia 22:25

Mishe akiri tënë, atene: “Biani, fade mo yeke baa ni na lango so mo yeke londo na ya ti mbeni kubu ti hon na ya ti mbeni kubu nde titene mo honde tere ti mo.”

1 Mbai 6:60

Hukok na ando so ayeke na tere ni nga na Rehob na ando so ayeke na tere ni.

Jérémie 1:1

So ayeke atënë ti Jérémie, molenge ti Hilkia. Lo yeke mbeni oko na popo ti awayango-sandaga so ayeke lango na Anatot, na sese ti Benjamin.

Jérémie 32:2

Andaa na ngoi ni so, aturugu ti Babilone angoro Jérusalem ti mu ni na bira. Ti wayanga-Nzapa Jérémie, a gbu lo si a kanga lo na yangbo ti gbia ti Juda, mbirimbiri na ya ti gbagba ti aturugu ti batango gbia.

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 32:7

‘Fade ita ti mo Hanameel, molenge ti Shalum, ita ti babâ ti mo ayeke ga ti baa mo ndali ti yaka so lo yeke na ni na Anatot. Lo yeke hunda na mo ti vo yaka ni, ngbanga ti so mo laa mo yeke mbeni zo ti sewa ti lo so popo ni ayo pepe; tënë ti vongo yaka ni titene aga ti mo abaa mo kozoni.’

Jérémie 33:1

So Jérémie ade na ya ti gbagba ti aturugu ti batango gbia, na ndo so a kanga lo daa, tënë ti *KOTA GBIA akiri asi na lo, atene:

Jérémie 37:12

Jérémie alondo na gbata ni ti gue na sese ti Benjamin ti wara ti lo mbage ti sese na popo ti azo ti mara ti lo.

Ezekiel 12:7

Tongaso, mbi sara ye ni alingbi na yanga so KOTA GBIA amu lani na mbi. Na kota lâ, mbi sigigi na akungba ti mbi tongana ti zo so a gbu lo ti gue na lo na kodro wande. Na lakui, mbi koro du na maboko ti mbi na ya ti gbagba ni. Na bi so avuko pitipiti, mbi sigigi na akungba ni si mbi yo ni na ndö ti go ti mbi na le ti azo kue.

Zakarii 11:11

Ya ti mbuki ni abuba gi na lango ni so. Azo ti kango ataba ni so ayeke baa mbi gi kpoo ahinga atene, so ayeke fade tënë ti KOTA GBIA laa.

Jean 4:53

Babâ ni adabe ti lo so, ayeke gi na ngbonga ni so laa Jésus atene na lo, atene: “Molenge ti mo ayeke na fini!” Nilaa lo na azo ti sewa ti lo kue ama na be.