Jérémie 32:3 - Mbeti ti Nzapa - Tënë so amu fini

³ Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 32:3 Iomraidhean Croise

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

Sigingo 5:4

Gbia ti Ezipte atene na ala: “Moïse na Aaron, ala ye titene azo so ado kua ti ala azia ngbanga ti nyen? Ala kiri na yanga ti akua ti ala ti ngbaa!”

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 21:3

Jérémie akiri tënë na azo ni, atene: “Ala gue, atene na gbia Sedesias, atene:

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 34:21

Ti Sedesias, gbia ti Juda, fade mbi yeke zia lo legeoko tongaso, lo na akota zo ti kodro ti lo na maboko ti awato ti ala nga na azo so aye gi kuâ ti ala. Mbi yeke zia ala na maboko ti aturugu ti gbia ti Babilone, ataa so aturugu ni agboto tere ti ala fadeso ahon yongoro na tere ti ala.

Jérémie 36:29

Fade mo yeke tene tënë so na ndö ti Yoakim, gbia ti Juda, mo tene: ‘Tënë so KOTA GBIA atene ayeke so: Jérémie asu lani na mbeti, atene, fade gbia ti Babilone ayeke ga biani si lo yeke buba kodro so; lo yeke fâ azo na anyama ti hunzi ala. Me Yoakim asuku na Jérémie si lo gbi rulo ni.

Jérémie 37:4

Na ngoi ni so, ade ti zia Jérémie na da ti kanga pepe; lo yeke tambula na popo ti azo senge.

Jérémie 38:18

Me tongana mo ke ti zia tere ti mo na maboko ti aturugu ti kota kamba ti gbia ti Babilone, fade a yeke zia gbata so na maboko ti azo ti Babilone si ala yeke bi wâ na ya ni; ti mo, mo yeke kpe na maboko ti ala pepe.’ ”

Jérémie 38:3

“Tënë so KOTA GBIA atene ayeke so: ‘Fade gbata so ayeke ti biani na maboko ti aturugu ti gbia ti Babilone si ala yeke mu ni.’ ”

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Jérémie 38:8

Tongaso Ebed-Melek asigigi na yangbo ti gbia, lo gue, lo baa gbia si lo tene na lo:

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Abia ti demango tere 1:14

Le ti KOTA GBIA abaa asioni so mbi sara; lo kanga asioni ti mbi na ndö ti mbi tongana *zuge so lo zia na ndö ti mbi; asioni ti mbi ni akono agbu mbi na go. Kota Gbia awoko ngangu ti mbi kue awe. Lo zia mbi na maboko ti awato ti mbi; mbi lingbi ti gbu le ni na ala pepe.

Amos 7:13

Me na Betel, kiri mo tene peko ti tënë ti yanga ti Nzapa ni pepe, ngbanga ti so ndo so ge so ayeke ndo ti vorongo Nzapa ti gbia laa; ndo so kota da-Nzapa ti gbia ayeke daa laa!”

Nzoni Tënë so Luc asu na mbeti 20:2

Ala hunda lo, atene: “Tene na e, na iri ti zo wa laa mo yeke sara aye so? Zo wa laa amu lege na mo ti sara ni, zo wa?”