Jérémie 32:10 - Mbeti ti Nzapa - Tënë so amu fini

¹⁰ Mbi su mbeti ti vongo yaka ni, mbi kpo nzoroko ti mbi na ndö ni na le ti azo so mbi iri ala ti duti na tere ni. Na pekoni, mbi zia nginza ni na ndö ti kilo ti hinga nengo ni.

Jérémie 32:10 Iomraidhean Croise

Tongo nda ti aye 23:16

Abraham ama tere na Efron; lo diko ale ti nginza alingbi na ti so Efron adiko na le ti azo ti mara ti Het kue so si lo mu na lo. Wungo ti nginza ni ayeke ale ti nginza ngbangbo osio, so azo ayeke vo na ye na ngoi ni kâ.

Tongo nda ti aye 23:20

Lege so laa azo ti mara ti Het ayeda ti ka yaka ni, na du ti têne so ayeke na ya ni na Abraham titene aga ti lo biani si lo yeke lu akuâ ti lo daa.

Mbeti ti Job 14:17

Ka sioni ti mbi, mo honde ni fade na ya ti sake, mo kanga yanga ni fade nzoni; ka siokpari ti mbi, mo zi fade ni na li ti mbi.

B. ti abia 8:6

Bata mbi nduru na kate ti mo tongana *ye ti kpongo na nzoroko so a su iri ti mo na ndö ni, tongana ye ti kpongo na nzoroko so mo yu na maboko ti mo. Biani, yengo tere ayeke na ngangu tongana kuâ; nzara ti be ayeke nga ye so aso sioni tongana ndo so akuâ ayeke daa; zo alingbi ti sara ye oko na lo pepe. Yengo tere ayeke gbi ndo tongana wâ, lo yeke sungba tongana bekpa.

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 44:5

Mbeni zo oko ayeke tene: ‘Mbi yeke ti KOTA GBIA’, mbeni ayeke mu iri ti Jacob, mbeni nde ayeke su na ndö ti maboko ti lo: ‘Mbi yeke zo ti KOTA GBIA’ si lo yeke mu iri ti Israel ti zia na ndö ti lo.”

Jérémie 32:12

mbi mu na Baruk, molenge ti Neria, molenge ti Maaseya, na le ti ita ti mbi Hanameel, lo na azo so kue aduti na tere ti tënë ni si ala su nga maboko ti ala na gbe ti mbeti ti vongo yaka ni; mbi mu nga mbeti ni na le ti azo ti Juda so kue ayeke na ya ti gbagba ti aturugu ti batango gbia.

Jérémie 32:25

Ka so gbata ni aga nduru ti ti na maboko ti azo ti Babilone awe so, ngbanga ti nyen si mo Kota Gbia NZAPA, mo mu yanga na mbi, mo tene: ‘Vo yaka ni, mo futa ngere ni na dawa ti azo so aduti na tere ni?’ ”

Jérémie 32:44

Biani, fade azo ayeke kiri ti vo ayaka na sese ti Benjamin, na ya ti akodro so angoro Jérusalem, na ya ti agbata ti Juda, na ya ti agbata ti Kodro-ti-nduzu, agbata ti *Kodro-ti-gbeni na ti Negev. Ala yeke su ambeti ti vongo yaka ni, ala yeke kpo anzoroko na ndö ti ambeti ni ti kanga na yanga ni, ala yeke iri azo ti duti na tere ni. Biani, fade mbi yeke kiri na agbata ni na kozo ndo ti ala; so tënë ti yanga ti KOTA GBIA laa.”

Daniel 8:26

Ye so mo baa na ya ti mbeni ye tongana bango-li na ndö ti asandaga ti lakui na ti ndaperere si a tene tënë ni so ayeke taa-tënë. Me ti mo, ayeke nzoni mo honde ye so mo baa so hondengo, ngbanga ti so ye so a tene ni so, lango ni ade yongoro.’

Matthieu 27:66

Tongaso ala gue, akanga kota têne ti yanga ti du ti kuâ ni ngangu, ala kpo mbeni *nzoroko na yanga ni si ala zia aturugu ti bata ni.

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

2 Korente 1:22

lo nga laa lo zia nzoroko ti lo na ndö ti e, lo zia Yingo ti lo na be ti e ti fa atene, anzoni ye so lo bata ndali ti e, fade lo yeke mu ni kue na e.

Efeze 1:13

Na lege ti gango so ala ga oko na Christ, ala nga, ala ma taa-tënë so ayeke Nzoni Tënë si ayeke soo ala na kuâ; ala ma na be si Nzapa asara nzoroko na tere ti ala, nzoroko ni ayeke Yingo-Vuru so lo mu ando zendo ni.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Ndia ti fani use ni 32:34

Baa, ye so mbi KOTA GBIA, mbi leke na hondengo ni, ye so mbi bata ndali ti ala na ya ti kubu ti batango mosoro ti mbi laa:

Josué 18:9

Akoli so ague, ahon na ya ti sese ni kue si ala su na mbeti aye so ala baa kâ, alingbi na sese mbarambara so ala kangbi ni so; ala su nga iri ti agbata ni. Na pekoni, ala kiri na tere ti Josué na ya ti bâbâ so ayeke na Silo.

Aye so Nzapa afa 7:2

Mbi baa mbeni ange nde so alondo na mbage ti To si lo yeke gue na nduzu. Lo gbu na maboko ti lo ye ti kpongo na *nzoroko ti Nzapa, lo so lo yeke na fini. Lo dekongo ngangu na a-ange osio so awara ngangu ti buba sese na kota ngu-ingo so, lo tene:

Aye so Nzapa afa 9:4

A mu yanga na ala ti sara sioni pepe na apere, wala akugbe, wala akeke, me ti sara sioni gi na azo so ayeke na nzoroko ti Nzapa na ndö ti le ti ala pepe.

Ruth 4:1

Booz ague, aduti na yanga ti kodro ni, na ndo so azo ayeke leke ka tënë daa. Andaa zo ti sewa ti Elimelek ayeke hon, lo so lo lingbi fade ti mu Ruth ti bata lo, lo so lani Booz atene tënë ti lo na Ruth so. Booz airi lo, atene: “Koli, ga, mo duti ge.” Koli ni aga si aduti.