Jérémie 30:2 - Mbeti ti Nzapa - Tënë so amu fini

² “Tënë so KOTA GBIA, Nzapa ti Israel atene ayeke so. Atënë so kue mbi tene na mo so, mo su ni na mbeti.

Jérémie 30:2 Iomraidhean Croise

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Ésaïe 30:8

*KOTA GBIA atene na Ésaïe: “Fadeso, mo su aye so na le ti mbeni têne, mo su ni na ya ti mbeni mbeti, na dawa ti azo ti Jérusalem. Gbanda, fade ayeke duti ye so ayeke dabe ti ala na aye ni lakue lakue.”

Ésaïe 8:1

*KOTA GBIA atene na mbi: “Mo mu kota le ti têne, mo de mbeti na ndö ni kota kota: ‘Maher-Shalal-Hash-Baz’, (so ti tene: ‘Hio-mo-nzi-ye-na-peko-ti-bira-Ti-na-ndö-ti-ye-mo-nzi-ni’)”

Jérémie 25:13

Akpale so kue mbi tene tënë ni si a su tënë ni na ya ti buku so, fade mbi yeke sara si akpale ni ati na ndö ti kodro so. Jérémie atene tënë ni na peko ti yanga ti mbi na tere ti amara so kue awe.

Jérémie 30:1

Tënë ti *KOTA GBIA asi na Jérémie, atene:

Jérémie 36:28

“Mu mbeni rulo nde, mo su na le ni atënë so kue mo su na le ti kozo rulo ni so; so ti tene rulo so Yoakim, gbia ti Juda, agbi ni so.

Jérémie 36:32

Tongaso Jérémie amu mbeni rulo nde si lo mu na wakuasu Baruk, molenge ti Neria. Baruk asu na le ni atënë ti yanga ti Jérémie; so ti tene, atënë so kue ayeke na le ti rulo so Yoakim, gbia ti Juda agbi ni so. Lo su nga na le ti rulo ni ambeni tënë mingi so akpa tere na ti kozo rulo ni.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

Ndia ti fani use ni 31:19

Fadeso, Moïse mo na Josué, ala su bia so na mbeti. Ti mo Moïse, mo fa bia ni na azo ti Israel; mo sara kue titene ala manda ni, bia ni angba na yanga ti ala si aga bia so ayeke fa asioni ti ala na le ti ala.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

Aye so Nzapa afa 1:11

Go ni atene: “Ye so mo yeke baa so, mo su tënë ni na ya ti buku, mo tokua ni na *a-Eglize mbarambara so: Eglize ti Efeze, ti Simirne, ti Pergame, ti Tiatire, ti Sarde, ti Filadelfii na ti Laodise.”

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.