Jérémie 30:10 - Mbeti ti Nzapa - Tënë so amu fini

¹⁰ “Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 30:10 Iomraidhean Croise

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 35:9

Na lege so, zo ayeke tengbi na bamara pepe, mbeni sioni nyama oko ayeke si kâ pepe, zo ayeke wara sioni nyama oko kâ pepe. Gi azo so KOTA GBIA azi ala laa ayeke mu lege ni so.

Ésaïe 43:5

Mo sara mbeto pepe, ngbanga ti so mbi yeke na mo. Kâ na mbage ti To, mbi yeke sara titene *ahale ti mo akiri; kâ na mbage ti Do, mbi yeke bongbi azo ti mo na ndo oko.

Ésaïe 44:1

Me fadeso Jacob, zo ti kua ti mbi, mo ma! Israel, mo so mbi soro mo, mo ma!

Ésaïe 44:2

*KOTA GBIA so asara mo, lo so lo leke mo gi so mo de na ya ti mama ti mo, lo so lo yeke mu maboko na mo, tënë so lo tene ayeke so: Jacob, zo ti kua ti mbi, sara mbeto pepe, mo Yeshurun so mbi soro mo.

Ésaïe 46:11

Na mbage ti To, mbi iri mbeni ndeke so ayeke te anyama. Yongoro na nda ti sese kâ, mbi iri mbeni zo, lo laa lo yeke sara si apialo ti mbi asi alingbi na ni. Tënë so mbi tene, ye ni ayeke si! Pialo so mbi leke, mbi yeke sara ni!

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 49:25

Biani, tënë so KOTA GBIA atene ayeke so: “Ngbaa so ngangu zo ti bira agbu lo, mbi yeke gboto ngbaa ni na maboko ti lo. Ye so zo ti sarango ngangu na azo agbu na bira, mbi yeke gboto ni na maboko ti lo. Jérusalem, mbi wani laa mbi yeke tiri na azo so atiri na mo si mbi yeke soo amolenge ti mo.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 23:4

Mbi yeke zia na li ti ala awabatango-taba so fade ayeke bata ala nzoni. Tongaso, mbeto ayeke kiri ti sara ataba ni pepe, ala yeke do nga na mbeto pepe si mbeni oko ti ala ayeke kiri ti girisa pepe; so tënë ti yanga ti KOTA GBIA laa.”

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 23:8

Me azo ni ayeke tene: ‘Na iri ti KOTA GBIA so ayeke na fini, lo so lo sara si ahale ti Israel asigigi na kodro ti mbage ti Banga nga na akodro so kue lo kangbi ando ala daa. Fade ala yeke kiri ti duti na ndö ti sese ti ala wani!’ ”

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 29:14

fade mbi yeke zia lege titene ala wara mbi; so tënë ti yanga ti KOTA GBIA laa. Mbi yeke sara titene ala kiri na kozo ndo ti ala; mbi yeke zi ala na ya ti kodro so kue nga na ando so kue mbi kangbi ala ando daa ti bongbi ala na ndo oko; mbi yeke kiri na ala na ndo so a gbu ala ando daa si a gue na ala na kodro wande so’; so tënë ti yanga ti KOTA GBIA laa.

Jérémie 3:18

Na lango ni so, fade azo ti Juda ayeke bongbi oko na ala ti Israel si ala yeke londo na kodro so ayeke na Banga ti kiri na kodro so mbi mu na akotara ti ala titene aga ye ti ala.”

Jérémie 30:3

So tënë ti yanga ti KOTA GBIA laa: Mbeni lango ayeke ga so mbi yeke sara titene azo ti Israel na azo ti Juda so ayeke azo ti mbi akiri na kozo ndo ti ala. Fade mbi yeke kiri na ala na ya ti kodro so mbi mu ando na akotara ti ala; ala yeke kiri ti mu ni titene aga ye ti ala; mbi KOTA GBIA laa, mbi tene.”

Jérémie 30:7

So ye ti vundu ti nyen! So ayeke kota lango mingi; mbeni lango ti lingbi na ni ayeke daa pepe! So ayeke lango ti kota vundu ndali ti *ahale ti Jacob! Me fade ala yeke soo kuâ.”

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Ezekiel 16:52

Fadeso ngoi ti mo alingbi awe titene mo yo gba ti kamene ndali ti asiokpari ti mo! Biani, mo sara asioni ye ahon a-ita ti mo ti wali; mo sara si ala ga mbirimbiri ahon mo. Ngoi ti mo alingbi awe titene kamene agbu le ti mo si mo yo gba ti kamene, ngbanga ti so mo sara si azo abaa a-ita ti mo azo ti mbirimbiri!

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Osée 2:20

Na lango ni so, ndali ti azo ti mbi, fade mbi yeke sara mbuki na anyama ti ngonda, andeke ti nduzu, anyama so ayeke hara harango na sese. Mbi yeke zi kokora, yongoro zeme na aye ti bira na ya ti kodro ni; mbi yeke sara titene azo ti kodro ni alango kpoo.

Osée 6:11

“Juda, mo nga, a leke lango ti fango ale ti kobe ndali ti mo awe.” “Na ndembe so mbi yeke sara si gigi ti azo ti mbi akiri aga nzoni

Joël 2:21

Sese, mo sara mbeto pepe, me mo dodo na ngia, mo duti na ngia, ngbanga ti so KOTA GBIA asara akota ye.

Mishe 4:9

Ala azo ti Jérusalem, ngbanga ti nyen si ala yeke dekongo fadeso ngangu tongaso? Ngbanga ti nyen si ala yeke baa pasi tongana wali so aye ti du? Gbia ayeke na kodro ti ala pepe? Awamungo-wango ti ala akui awe?

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Jean 12:15

“Mbeto asara mo pepe, gbata ti *Sion! Baa, gbia ti mo ayeke ga, lo duti na ndö ti mbeni molenge ti lele.”