Jérémie 3:9 - Mbeti ti Nzapa - Tënë so amu fini

⁹ Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 3:9 Iomraidhean Croise

Ésaïe 57:3

Ala ga nduru, ala so mama ti ala ayeke zo ti gingo nda ti aye, ala azo ti gingo wali ti amba ti ala, ala azo ti sarango ye ti ndumba so!

Ésaïe 57:6

Israel, atêne so tere ni aga pendere ndali ti ngu so ayeke sua na tere ni, atêne ni laa aga ye ti mo, ni laa aga ye so a mu na mo! Mo yeke mu sandaga ti samba na ala, mo yeke ya nga asandaga na ala. *KOTA GBIA ahunda ndo, atene: “Aye tongaso alingbi ti de be ti mbi?”

Jérémie 10:8

Ala kue kue kue, ala yeke azo so li ti ala ayeke daa pepe, ala yeke abuba zo. Ayanda ni alingbi ti fa ye oko pepe, ala yeke gi keke senge.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Jérémie 2:27

“Ala yeke tene na keke: ‘Mo laa mo yeke babâ ti mbi!’ Ala yeke tene nga na têne: ‘Mo laa mo du mbi!’ Titene ala zia le ti ala na mbage ti mbi, ala zia gi peko ti ala na mbi! Me tongana ye ti ngangu asi na ala awe, ala yeke londo ti iri mbi, atene: ‘Ga mo soo e maa!’

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Ezekiel 16:17

Aye ti pendere ti lôro na ti wen ti nginza so mbi mu na mo, mo mu ni mo sara na ayanda ti koli si mo sara ye ti ndumba na ala.

Ezekiel 23:10

Ala zia lo ndumbu, ala mu amolenge ti lo ti koli na ti wali; ti lo, ala fâ lo na yongoro zeme. Baa lege so ala fâ ngbanga na li ti lo laa. Nilaa Ohola aga tapande ndali ti awali.”

Ezekiel 23:21

“Oholiba, mo kiri na ndö ti sarango ye ti potopoto ti mo so lani mo de maseka si mo yeke sara so. Lani azo ti Ezipte ayeke gbu me ti mo ti sara na ngia, ala yeke tatara kate ti mo ti maseka.

Ezekiel 23:3

So ala ngba maseka, ala sara aye ti ndumba na Ezipte. Kâ, akoli agbu me ti ala ti sara na ngia, akoli atatara kate ti ala ti maseka.

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Joël 1:19

*KOTA GBIA, mbi dekongo na mo! Wâ agbi apere kue ti ngonda; menga ti wâ agbi akeke kue ti yaka.

Habakuk 2:19

“Mawa na mo, mo so mo tene na nduru keke, mo tene: ‘Londo!’, wala mo tene na têne so ayeke buburu, mo tene: ‘Zingo!’ Têne ni ayeke fa ye na zo? Ataa a kanga lôro na wen ti nginza na tere ni, lo yeke na fini pepe.

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”