Jérémie 3:3 - Mbeti ti Nzapa - Tënë so amu fini

³ Ndani laa le ti nduzu akanga si ngu-Nzapa ti ndani apika pepe. Me le ti mo angba ti za tongana ti wali-ndumba; kamene asara nga mo kete pepe.

Jérémie 3:3 Iomraidhean Croise

Tongo nda ti aye 19:34

Lango oko na pekoni, kozo molenge ni atene na ngambe ti lo, atene: “Baa, biri na bi, mbi lango na babâ ti mbi. Ayeke nzoni e kiri e mu samba na lo na bi so, lo nyon si mo gue, mo lango na lo. Tongaso si e sara titene babâ ti e awara amolenge ti zia na peko ti lo.”

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Amato 21:29

Zo ti sioni asara tere ti lo tongana zo so alingbi awe; me zo ti mbirimbiri ayeke sara si mbeni ye ayeke yingi dutingo ti lo pepe.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Jérémie 14:1

Tënë ti *KOTA GBIA asi na Jérémie ndali ti ngu so apika pepe.

Jérémie 14:22

Na popo ti asenge senge ye ti amara nde, mbeni yanda oko ayeke daa so alingbi ti sara si ngu apika? Yayu laa asara si ngu ayeke pika? KOTA GBIA Nzapa ti e, mo laa mo sara ye so pepe? E zia be ti e ti ku mo, ngbanga ti so mo laa mo sara aye so kue.”

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.

Jérémie 14:4

Sese kue asuru surungo, ngbanga ti so ngu apika pepe. Tongaso, kamene agbu le ti azo ti fango yaka si ala ba li ti ala na sese.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 5:24

Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Jérémie 5:25

Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Jérémie 6:15

Kamene alingbi fade ti gbu le ti ala ndali ti asioni ye so ala sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.

Jérémie 8:12

Kamene alingbi fade ti gbu le ti ala ndali ti asioni ye so ala yeke sara si zo alingbi ti baa na le ti lo fani use pepe; me kamene agbu le ti ala oko pepe. Ala hinga atene, so sioni ye laa ala yeke sara so pepe. Ndani laa KOTA GBIA atene: Ala yeke ti legeoko na tanga ti azo so ayeke ti. Na ndembe so mbi yeke ga na tere ti azo ni, ala nga, ala yeke ti.”

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Ezekiel 3:7

Me ti azo ti Israel, fade ala yeke ke ti ma mo, ngbanga ti so ala ye ti ma mbi pepe. Biani, azo ti Israel kue ayeke azo ti ngangu li mingi, be ti ala akpengba mingi.

Awayango-sandaga 26:19

Ngangu so ala yeke sara na baba so, fade mbi yeke buba ni; mbi yeke sara si le ti nduzu akpengba na ala tongana wen si sese ti ala ayeke kpengba tongana bengba wen.

Amos 4:7

“So angba na ala nze ota titene ala to nda ti fâ ale ti kobe ti ala, mbi laa, mbi gbanzi ngu-Nzapa na ala. Mbi sara si ngu-Nzapa apika na mbeni gbata si na mbeni gbata, ngu ni apika pepe. Mbi sara si ngu-Nzapa apika na ndö ti mbeni yaka si mbeni yaka angba na holengo ni, ngbanga ti so ngu ayeke daa pepe.

Amos 4:8

Azo alondo na ya ti agbata use wala ota, nzara ti ngu awoko ala kue si ala gue ti gi ngu ti nyongo ni na mbeni gbata, me ala wara ngu alingbi na ala pepe. Ataa ye so kue, ala kiri na mbage ti mbi pepe; so tënë ti yanga ti KOTA GBIA laa.

Sofonii 2:1

Ala azo ti mara so kamene ayeke sara ala pepe so, ala bongbi tere ti ala, ala gbu li ti ala

Sofonii 3:5

Andaa KOTA GBIA ayeke na ya ti gbata ni, lo yeke mbirimbiri, lo yeke sara ye ti sioni pepe. Lakue na ndaperere, lo yeke fâ ngbanga polele; lo zia lege ni pepe. Ataa so kue, kamene ayeke sara zo ti sioni pepe.

Aggée 1:11

Mbi sara si buru aga na ya ti kodro ni: ndo ahole na li ti ahoto, na ya ti ayaka ti *ble, ayaka ti *vinye, ayaka ti olive nga na tanga ti ayaka ti kobe kue. Azo na anyama abaa pasi mingi ndali ti buru ni si peko ti akua ti maboko ti ala kue angba senge.”

Ndia ti fani use ni 28:23

Le ti nduzu so ayeke na ndö ti li ti ala ayeke ga tongana bengba wen; sese so ayeke na gbe ti gere ti ala ayeke ga tongana wen.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?