Jérémie 3:25 - Mbeti ti Nzapa - Tënë so amu fini

²⁵ Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 3:25 Iomraidhean Croise

Abia (Psaumes) 106:6

Tongana ti so akotara ti e asara, e sara siokpari, e sara ye ti kirikiri, e sara sioni.

Abia (Psaumes) 106:7

Na ndembe so akotara ti e ayeke na Ezipte, mo sara aye ti kpene, me ala manda ye na lege ni oko pepe; ala girisa gba ti anzoni ye so mo sara, ala tomboka na tere ti mo na tere ti kota ngu-ingo ti Asosongo.

Abia (Psaumes) 109:29

Azo so ayeke bi tënë na li ti mbi so, ayeke nzoni nengo ti ala ati na sese si kamene aga tongana kota bongo so akanga tere ti ala.

Amato 13:18

Zo so ake titene a gboto mê ti lo, fade lo yeke ga wayere si azo ayeke baa lo tongana mbumbuse zo; me zo so aye titene a suku na lo, azo ayeke ne lo.

Amato 5:13

Mbi ke ti ma yanga ti awafango-ye ti mbi ngbanga ti nyen? Mbi dingi mê ti mbi ti ma ala pepe ngbanga ti nyen?

Ésaïe 48:8

Taa-tënë, ala ma tënë ni pepe, ala hinga tënë pepe, ala zi mê ti ala ti ma tënë ni laoko pepe. Mbi hinga, mbi tene, ala yeke azo ti kango zo. Gi so ala de na ya ti mama ti ala, a iri ala ‘Azo ti ngangu li’.

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Jérémie 11:13

Biani, ala azo ti Juda, ala yeke na anzapa gbani gbani alingbi na wungo ti agbata ti ala. Kâ na Jérusalem, ala yeke na agbalaka gbani gbani ndali ti Kamene alingbi na wungo ti abalabala ti ya ti gbata ni, agbalaka so ala yeke ya *sandaga na ndö ni na *Baal.’

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 14:20

KOTA GBIA, e hinga so e sara sioni; e hinga so akotara asara sioni. Biani, e sara siokpari so ake mo.

Jérémie 14:7

“Tongana asioni ti e ayeke bi tënë na li ti e, ayeke nzoni KOTA GBIA, mo sara mbeni ye ndali ti iri ti mo. Biani, e zia mo fani mingi; e sara sioni so ake mo.

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 2:2

“Gue mo to mbela na tënë so na mê ti azo ti Jérusalem, mo tene: Tënë so KOTA GBIA atene ayeke so: ‘Mbi dabe ti mbi na be ti mo so mo mu na mbi na ndembe so mo de maseka. Mo ye mbi ando tongana wali so amu koli fini fini. Mo yeke mu peko ti mbi na benyama, ndo so kâ zo alingbi ti lu ye daa pepe.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Jérémie 20:18

Ndani nyen si mbi sigigi na ya ti mama ti mbi si mbi yeke baa pasi na mawa tongaso? Gigi ti mbi ayeke hunzi na ya ti aye ti kamene lakue tongaso?

Jérémie 22:21

Lani mbi gboto mê ti mo na ndembe so mo duti na siriri, me mo kiri tënë: ‘Zia mê ti mbi, mbi ke awe!’ So fini ye pepe: sarango ye ti mo ngbene ye na molenge laa; laoko mo ma tënë ti mbi pepe!

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 31:19

Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ”

Jérémie 6:26

“Ala azo ti mbi, ayeke nzoni ala yu bongo ti mua, ala rule tere ti ala na ya ti fuku ti sese, ala sara aye so kue zo ayeke sara na ngoi ti mua, ala toto na ngu ti le tongana ti so zo ayeke toto ndali ti oko molenge ti lo ti koli so akui. Biani, gi hio tongaso, wato ayeke ga ti hunzi e kue!”

Jérémie 7:19

Mbi laa ala yeke sara sioni na mbi so? Oko pepe! Ala sara ye ni ti bi kamene gi na le ti ala wani; so tënë ti yanga ti KOTA GBIA laa.”

Jérémie 8:14

“E ngba ti duti dutingo ngbanga ti nyen? E londo, e bongbi tere, e li na ya ti agbata so gbagba ti bira ayeke na tere ni, e duti kâ ti ku kuâ ti e ma! Biani, KOTA GBIA, Nzapa ti e aye gi kuâ ti e; lo ye titene e nyon gi ngu so sioni yoro ayeke daa, ngbanga ti so e sara siokpari ti ke lo.

Jérémie 9:18

Na mbage ti *Sion, a yeke ma go ti mbeni zo so ayeke dema tere: “Ae, azo ahunzi e kue awe! So ye ti kamene na e titene e zia kodro ti e ti hon! So ye ti kamene na e so azo akungbi ada ti e kue na sese awe so!”

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Abia ti demango tere 5:7

Akotara ti e asara ando siokpari, ala yeke daa mbeni pepe; me e laa e yo ngbanga ti asioni ti ala ni.

Ezekiel 2:3

Lo tene na mbi, lo tene: “Molenge ti zo, mbi yeke tokua mo na azo ti Israel, azo ti ngangu li so atomboka na tere ti mbi so. Ala na akotara ti ala ake mbi ngbii asi laso.

Ezekiel 36:32

Ala azo ti Israel, alingbi ala hinga atene, ye so mbi yeke sara so, mbi sara ni ndali ti ala pepe; so tënë ti yanga ti mbi, Kota Gbia NZAPA laa. Ayeke fade nzoni titene kamene asara ala si be ti ala aso ndali ti lege ti sarango ye ti ala.

Ezekiel 44:13

Fade ala yeke ga nduru na mbi pepe titene ala sara kua ti yango *sandaga na mbi. Ala yeke ga nduru pepe na tere ti aye so a bata ni nde ndali ti mbi, wala na tere ti ndo so ayeke nde si ayeke nzoni kue ahon atanga ni. Ye ti kamene so ala sara nga na asioni sarango ye ti ala so zo alingbi ti baa na le ti lo fani use pepe so, fade aye ni ayeke ngba na li ti ala.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Osée 9:10

KOTA GBIA atene: “Ando, mbi wara Israel tongana nzerengo ale ti *vinye na benyama. Mbi wara akotara ti ala tongana akozo nzoni le ti keke so asigigi na li ti keke ti fige. Me so akotara ti ala asi na Bet-Peor awe, ala mu tere ti ala kue na *Baal, nzapa ti kamene. Nilaa ala ga sioni mingi tongana anzapa so ala ye tënë ti ala so.

Sofonii 1:17

“Fade mbi yeke sara titene ye ti ngangu aga na ndö ti azo, ala yeke tatara ndo tongana awaziba, ngbanga ti so ala sara siokpari ti ke mbi KOTA GBIA. Fade a yeke tuku mene ti ala tongana fuku ti sese, a yeke tuku kuâ ti ala tongana zende.”

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Awafango-ngbanga 2:2

Me mbi mu yanga na ala titene ala na azo ti kodro so aga ambuki pepe. Fade ala kungbi agbalaka ti azo ni kue na sese. Me ala ma yanga ti mbi pepe. Nyen laa ala sara so, nyen?