Jérémie 3:21 - Mbeti ti Nzapa - Tënë so amu fini

²¹ A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 3:21 Iomraidhean Croise

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Amato 10:9

Zo so sarango ye ti lo ayeke na legeni, ye ti sioni alingbi ti si na lo oko pepe; me zo so ayeke sara ye na lege ti mayere, fade azo ayeke sigigi na nda ti lo.

Amato 19:3

Sarango ye ti buba ayeke buba gigi ti zo; na pekoni, be ti lo aso na KOTA GBIA.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 17:10

Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 57:11

Zo wa laa azia lani mbeto na be ti mo, zo wa laa mo sara mbeto ti lo si mo handa mbi, be ti mo agirisa na mbi so? Mo kiri mo dabe ti mo na mbi pepe so? Aninga mingi mbi zi yanga pepe, ndani laa mo yeke kpe mbeto ti mbi pepe so?

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 13:25

Jérusalem, ye so ayeke ku mo laa, ye so mbi bata ndali ti mo laa. Biani, mo girisa mbi awe ti zia be ti mo na anzapa ti mvene; so tënë ti yanga ti KOTA GBIA laa.

Jérémie 18:15

Me be ti azo ti mbi agirisa na mbi awe! Ala zö dukani na anzapa so ayeke taa Nzapa pepe. Na ndö ti alege so ala yeke hon daa, anzapa ni asara si ala ti. Lege so ando ala mu ni, anzapa ni ague na ala na mbeni lege nde; ambeni lege so azo ade asuru ni pepe.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Ezekiel 7:16

Azo so ayeke ngba na fini ayeke kpe ti gue na li ti ahoto. Tongana ti so *ambipa ti apopo-hoto so ayeke dema, zo oko oko ayeke dema ndali ti sioni ti lo.

Osée 13:6

Gi so mo si na ndo ti tengo pere awe, mo te pere ya ti mo asi. So ya ti mo asi awe, baba ahon ndö ti mo; ndani laa be ti mo agirisa na mbi.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Wungo ti azo 22:32

Ange ti KOTA GBIA atene na lo: “Mo pika mama ti lele ti mo fani ota ngbanga ti nyen? Mbi laa, mbi ga, mbi kanga lege na mo, ngbanga ti so mbi baa so tambula ni ayeke gue na mo ti wara sioni.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.