Jérémie 3:2 - Mbeti ti Nzapa - Tënë so amu fini

² Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 3:2 Iomraidhean Croise

Tongo nda ti aye 38:14

Tongaso Tamar azi bongo ti mua na tere ti lo; lo mu mbeni bongo, lo bi na li ti lo titene zo ahinga lo pepe. Lo gue, lo duti na yanga ti kodro ti Enaim, na tere ti lege so ague na Timna. Lo sara tongaso, ngbanga ti so lo baa Shela aga koli awe si ala mu lo na Shela ni titene lo ga wali ti lo pepe.

1 Agbia 11:3

Awali ti Salomon so ayeke amolenge ti agbia ayeke ngbangbo mbarambara, awali ti lo so lo ne ala mingi pepe ayeke ngbangbo ota. Awali ni kue asara si be ti lo ague yongoro na Nzapa.

2 Agbia 23:13

Ando so azo aleke na ndö ti ahoto si ayeke baa le na Jérusalem, na mbage ti Mbongo, gbia asara si aga *sioni. Salomon, gbia ti Israel asara ando ni ndali ti Astarte, fungo nzapa-wali ti azo ti Sidon. Salomon asara nga ni ndali ti Kemosh, fungo nzapa ti azo ti Moab, ndali ti Milkom, fungo nzapa ti azo ti Amon.

Abia (Psaumes) 106:38

Ala tuku mene ti azo so asara sioni pepe, so ti tene mene ti amolenge ti ala ti koli na ti wali; ala mu amolenge ni na sandaga na anzapa ti azo ti Kanaan si mene ni asara si kodro ni aga *sioni.

Amato 23:28

Tongana ti so azo ti nzi ayeke sara, lo nga lo yeke honde tere ti lo ti ku mbeni zo. Lo sara si akoli mingi aga akoli ti handango awali ti ala.

Amato 7:11

Lo yeke tene tënë na mbeto pepe, kamene ayeke sara lo oko pepe; ngbonda ti lo agbu sese na yanga-da ti lo pepe.

Jérémie 12:12

Na ndö ti alege so kue ayeke na benyama, azo ti bubango ye ayeke ga. Yongoro zeme ti KOTA GBIA ayeke fâ aye, ti londo na mbeni yanga ti kodro asi na mbeni yanga ni; zo oko ayeke na siriri mbeni pepe.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 2:23

Ye ni asara tongana nyen laa mo tene: ‘Mbeni sioni ye andu tere ti mbi oko pepe; mbi voro anzapa *Baal pepe’ so? Gue mo baa gi peko ti agere ti mo kâ na popo-hoto! Ayeke nzoni mo hinga ye so mo sara. Mo yeke tongana mama ti *zambala so akpe ge, akpe kâ.

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Ezekiel 16:16

Mo mu ambeni bongo ti mo, mo zia na ndo so azo aleke na nduzu ti voro anzapa nde daa titene ndo ni aga pendere si mo sara ye ti ndumba ti mo na ndö ni. Mara ti ye tongaso ade ti si laoko pepe, ayeke kiri ti si laoko pepe!

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Nzoni Tënë so Luc asu na mbeti 16:23

Na ndo ti akuâ, zo ti mosoro ni ayeke baa pasi mingi. Lo yo le ti lo na nduzu si lo baa Abraham yongoro kâ; Lazare ayeke na tere ti lo.

Ndia ti fani use ni 12:2

Amara nde so ala yeke gue ti mu sese ti ala aleke ambeni ndo na li ti ahoto, na li ti akete hoto nga na gbe ti afini keke so kue kugbe ni ayeke gbani ti voro anzapa ti ala daa. Alingbi ala, azo ti Israel, ala buba ando ni so kue kue kue.