Jérémie 3:13 - Mbeti ti Nzapa - Tënë so amu fini

¹³ Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Jérémie 3:13 Iomraidhean Croise

Néhémie 9:2

Azo ti Israel azi tere ti ala si ala luti yamba na azo ti mara nde; azo ti Israel ni atene siokpari ti ala wani na gigi nga na ti akotara ti ala.

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 57:5

Nzara ti tere ti ala ayeke gbi ala tongana wâ nduru na tere ti akota keke, na gbe ti afini keke so kue kugbe ni ayeke gbani gbani. Ala yeke fâ amolenge ti mu na *sandaga na tere ti ngu nga na popo ti atêne so asuru.

Jérémie 14:10

Tënë so KOTA GBIA atene na azo so ayeke so: “Biani, ala ye gi ti tambula kirikiri, ngbonda ti ala agbu sese pepe.” Ye ni anzere na be ti KOTA GBIA pepe. Fadeso, lo dabe ti lo na asioni ti ala, lo yeke pika ala ndali ti aye ti kirikiri ti ala.

Jérémie 14:20

KOTA GBIA, e hinga so e sara sioni; e hinga so akotara asara sioni. Biani, e sara siokpari so ake mo.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 2:25

‘Israel, mo sara hange! Tongana mo kpe loro tongaso, fade gbe ti poro ti mo ayeke te kue; lege ti go ti mo ayeke hole kasakasa.’ Me mo kiri tënë, mo tene: ‘Mo zia mbi na tënë ti mo so! Mbi ye gi anzapa ti awande, mbi yeke ngba ti kpe na peko ti ala’.

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 3:25

Ayeke nzoni e lango na sese ndali ti kamene ti e, sarango ye ti buba ti e akanga ndö ti e, ngbanga ti so e na akotara ti e, e sara ye so ayeke sioni ti ke KOTA GBIA, Nzapa ti e; e sara ni ti londo na ngoi so e de molenge ngbii asi laso. E ma yanga ti KOTA GBIA, Nzapa ti e pepe.”

Jérémie 3:6

Na ngoi ti gbia Yosias, *KOTA GBIA atene na mbi: “Mo baa ye so Israel-wali-pupulenge asara so? Lo gue na li ti ahoto so kue ayo na nduzu, lo si na gbe ti afini keke so kue kugbe ni ayeke gbani gbani ti sara aye ti ndumba kâ.

Jérémie 7:24

Me ala ke ti ma tënë ni; ala dingi mê ti ala kete pepe ti ma ni; ala sara gi ye so sioni be ti ala afa. Titene ala baa ndo na mbage ti mbi, ala zia gi peko ti ala na mbi.

Jérémie 7:26

Me ala ma mbi pepe; ala dingi mê ti ala kete pepe ti ma mbi; ala sara ngangu li ahon ndoni, ala sara sioni ahon akotara ti ala.

Ezekiel 16:15

“Me mo zia be ti mo na ndö ti pendere ti mo nga na ndö ti sango ti mo so amu ndo kue; tongaso mo sara ye ti ndumba. Mo lango na akoli so kue ayeke hon na lege si mo ga ye ti ala.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Ndia ti fani use ni 12:2

Amara nde so ala yeke gue ti mu sese ti ala aleke ambeni ndo na li ti ahoto, na li ti akete hoto nga na gbe ti afini keke so kue kugbe ni ayeke gbani ti voro anzapa ti ala daa. Alingbi ala, azo ti Israel, ala buba ando ni so kue kue kue.