Jérémie 3:10 - Mbeti ti Nzapa - Tënë so amu fini

¹⁰ Ataa ye so kue asi, ita ti lo ti wali Juda-wali-gbanambana akiri na mbi na be ti lo kue pepe, me na lege ti handango ndo”; so tënë ti yanga ti KOTA GBIA laa.

Jérémie 3:10 Iomraidhean Croise

2 Mbai 34:33

Na pekoni, asioni sarango ye so kue zo alingbi ti baa na le ti lo fani use pepe, Yosias azi ni na sese ti Israel kue. Lo gbu azo so kue ayeke na sese ti Israel na ngangu ti sara kua na KOTA GBIA, Nzapa ti ala. Na lango ti fini ti lo kue, azo ni azia lege ti KOTA GBIA, Nzapa ti akotara ti ala pepe.

Abia (Psaumes) 18:44

Azo ti kodro atomboka na tere ti mbi, me mo yeke zi mbi na maboko ti ala; mo zia mbi na ndö ti amara. Azo ti mara so mbi hinga ala pepe aga azo ti kua na gbe ti mbi.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Jérémie 11:10

Sioni so akotara ti ala asara ando so, gi ni laa ala kiri daa. Akotara ti ala ni ake ti ma atënë ti mbi; ala kpe na peko ti anzapa nde ti voro ala. Azo ti Israel na azo ti Juda abuba ya ti mbuki so mbi na akotara ti ala, e sara ni.

Jérémie 12:2

Mo lu ala tongana keke so agunda ni ali sese; ala yeke mai si ala yeke le. Iri ti mo ayeke na yanga ti ala lakue, me be ti ala ayeke yongoro na mo.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Amos 4:9

“Mbi tokua asioni kobela na tere ti ale ti kobe ti ala; ale ti kobe ni ahole gi na nduzu si afun. Akete yaka ti ala kue na ayaka ti *vinye ti ala, ayaka ti fige ti ala na ayaka ti olive ti ala, agbadola ate ni kue. Ataa aye so kue, ala kiri na mbage ti mbi pepe; so tënë ti yanga ti KOTA GBIA laa.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.