Jérémie 3:1 - Mbeti ti Nzapa - Tënë so amu fini

¹ *KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:1 Iomraidhean Croise

Abia (Psaumes) 106:38

Ala tuku mene ti azo so asara sioni pepe, so ti tene mene ti amolenge ti ala ti koli na ti wali; ala mu amolenge ni na sandaga na anzapa ti azo ti Kanaan si mene ni asara si kodro ni aga *sioni.

Ésaïe 24:5

Azo so alango na ndö ti sese asara si sese ni aga sioni, ngbanga ti so ala do andia na gbe ti gere ti ala, ala sanze atënë ti ndia, ala ke tënë ti *mbuki so abongbi ala na Nzapa lakue lakue.

Jérémie 2:20

*KOTA GBIA atene: “Mo mara ti Israel, ngu na ngu, kpu na kpu, mo ke ti duti na gbe ti komandema ti mbi; mo fâ ya ti ye so abongbi mbi na mo. Mo tene: ‘Mbi ye ti sara kua ti ngbaa mbeni pepe’. Me na ndö ti akete hoto kue, na gbe ti afini keke so kue kugbe ni ayeke gbani gbani, mo lango na sese ti sara ye ti ndumba.

Jérémie 2:23

Ye ni asara tongana nyen laa mo tene: ‘Mbeni sioni ye andu tere ti mbi oko pepe; mbi voro anzapa *Baal pepe’ so? Gue mo baa gi peko ti agere ti mo kâ na popo-hoto! Ayeke nzoni mo hinga ye so mo sara. Mo yeke tongana mama ti *zambala so akpe ge, akpe kâ.

Jérémie 2:7

Mbi sara si ala li na ya ti kodro so kobe ayeke du daa gbani gbani titene ala te anzerengo le ti kobe ni si ala wara anzoni ye ti kodro ni. Me so ala li na ya ti kodro ti mbi ni, ala sara si aga *sioni. Ala sara si ye so ayeke ti mbi aga ye ti sioni so zo alingbi ti baa na le fani use pepe.

Jérémie 22:20

“Jérusalem, gue na li ti hoto ti Liban si mo dekongo ngangu. Na sese ti Bashan, sara si azo ama go ti mo. Na ndö ti hoto ti Abarim, dekongo ngangu! Biani, ti andeko ti mo ahunzi awe.

Jérémie 3:22

Azo ti ngangu li, ala kiri maa! Kobela ti ngangu li ti ala so, fade mbi yeke kai ni!” “Baa e laa! E yeke kiri na mo, ngbanga ti so mo laa mo yeke KOTA GBIA, Nzapa ti e.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Jérémie 4:1

So tënë ti yanga ti *KOTA GBIA laa: “Israel, tongana mo kiri, mbi laa, alingbi mo kiri na mbage ti mbi. Tongana mo zi afungo nzapa ti mo so na le ti mbi, mo yeke kpe ti hon kirikiri mbeni pepe.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Abia ti demango tere 1:2

Na bi, gi toto na toto ngbii ndo ahan. Ngu ti le ayeke sua na tere ti ngbangba ti lo. Na popo ti azo so aye lo lani mingi so, mbeni zo ti de be ti lo ayeke daa pepe. Amba ti lo kue akiri aka lo awe: ala ga awato ti lo.

Ezekiel 16:26

Mo sara ye ti ndumba na azo ti Ezipte, azo so alango nduru na mo si tere ti ala ti koli akono mingi. Mo sara aye ti ndumba gbani gbani ti zia ngonzo na be ti mbi.

Ezekiel 16:30

Ae, mo yeke kanga be pepe! So tënë ti yanga ti mbi, Kota Gbia NZAPA laa. Na sarango ye tongaso, mo ga makonzi wali-ndumba!

Ezekiel 16:35

“Mo Jérusalem, wali-ndumba, mo ma tënë ti KOTA GBIA si.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Mishe 2:10

Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Zakarii 1:3

nilaa fade mo yeke tene na ala: Tënë so KOTA GBIA so ayeke na ndö ti dunia kue atene ayeke so: Ala kiri na mbage ti mbi – so tënë ti yanga ti KOTA GBIA so ayeke na ndö ti dunia kue laa – si fade mbi yeke kiri na mbage ti ala; tënë so KOTA GBIA so ayeke na ndö ti dunia kue atene laa.

Matthieu 5:31

“Ala ma nga tënë so a tene ando, atene: ‘Koli so atumba wali ti lo, alingbi lo mu na lo mbeti ti kangbingo tere.’

Ndia ti fani use ni 22:21

fade a yeke gue na lo na yanga ti da ti babâ ti lo; akoli ti gbata ni ayeke bo lo na têne ngbii lo kui. Biani, lo sara ye ti sioni mingi na sese ti Israel na lege ti sarango ye ti ndumba na ndembe so lo de na da ti babâ ti lo. Lege so ala, azo ti Israel, ala yeke zi sioni ye na popo ti ala laa.

Awafango-ngbanga 19:2

Wali ti lo ni apapa na lo si lo kiri na ndo ti babâ ti lo na Betlehem; lo ngba kâ nze osio.