Jérémie 27:9 - Mbeti ti Nzapa - Tënë so amu fini

⁹ “Ti ala, ala ma awayanga-Nzapa ti ala pepe, ala ma azo ti bango nda ti aye ti ala pepe, ala ma azo ti fango nda ti abango-li pepe, wala azo so ayeke fa nda ti ambinda wala azo so ayeke sara aye ti mazi. Azo ni kue ayeke tene na ala atene, fade ala yeke ti na gbe ti gbia ti Babilone pepe.

Jérémie 27:9 Iomraidhean Croise

Sigingo 22:18

“Zo so alango na nyama, alingbi ala fâ lo.

Sigingo 7:11

Me gbia Faraon airi azo ti hingango nda ti aye nga na anganga; azo ti mazi ti Ezipte so asara gi mara ti ye so na lege ti mazi ti ala.

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 14:14

KOTA GBIA akiri tënë na mbi: “Tënë so awayanga-Nzapa ni ayeke tene na iri ti mbi so ayeke mvene. Mbi tokua ala pepe, mbi mu yanga na ala pepe, mbi tene nga tënë na ala pepe. Aye so ala yeke baa na ya ti mbeni ye tongana bango-li so ayeke mvene; so gi atënë ti mbadi senge, atënë ti gingo nda ti ye senge na atënë ti handa so alondo na be ti ala wani.

Jérémie 23:16

Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 23:25

“Atënë so awayanga-Nzapa ayeke tene na peko ti yanga ti mbi so, mbi ma ni kue awe. Ala tene, ani yeke fa tënë na iri ti mbi, andaa gi mvene laa ala yeke tene. Ala yeke tene: ‘Mbi baa li ti mbi! Mbi baa li ti mbi!’

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 29:8

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Awayanga-Nzapa so ayeke lango na popo ti ala, azo ti Jérusalem, ala zia lege na ala pepe ti handa ala; ala zia nga lege pepe na azo ti bango nda ti aye. Azo so ayeke fa nda ti abango-li ti ala, ala dingi mê ti ala ti ma tënë ti azo ni pepe.

Ezekiel 21:29

Ndani laa, tënë so mbi Kota Gbia NZAPA, mbi tene ayeke so: Ala sara si mbi dabe ti mbi na asioni ti ala; na lege ti asarango ye ti ala kue, ngangu li ti ala na siokpari ti ala asigigi polele. So ala sara si a kiri a dabe na asarango ye ti ala ni, fade a yeke gbu ala titene ala ga azo ti kanga.

Daniel 4:7

So mbi ngba ti lango na ndö ti gbogbo ti mbi, mbi baa li ti mbi tongaso: Mbi baa mbeni keke so aluti taa na be ti sese; keke ni ayo na nduzu ahon ndoni.

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Zakarii 10:2

Anzapa ti da ayeke kiri na ala atënë ti mvene, azo ti bango nda ti aye ayeke fa na ala nda ti ye na legeni pepe; abango-li ti ala ayeke gi asenge ye, atënë ti dengo be so ala yeke tene na azo ayeke gi ye ti handango azo ni. Ndani laa azo ni ague, mawa na be ti ala tongana ataba so zo ti batango ala ayeke daa pepe.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Awatokua 8:11

Ala yeke ma gi tënë ti lo, ndali ti so aninga mingi so lo yeke sara aye ti dongo be na lege ti mazi ti lo ni.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Ndia ti fani use ni 13:2

Moïse atene: Mbeni ye tongaso alingbi ti si: mbeni zo ti bango aye na ya ti bango-li, wala mbeni wayanga-Nzapa ayeke londo na popo ti ala; lo lingbi ande ti sara aye ti kpene na aye ti dongo be.

Ndia ti fani use ni 18:14

Amara so ala yeke gue ti tumba ala ti mu sese ti ala, ayeke ma azo ti bango nda ti aye na azo ti yoro. Me ti ala, azo ti Israel, KOTA GBIA Nzapa ti ala ake titene ala sara ye tongaso.

Josué 13:22

Na popo ti azo so azo ti Israel afâ ala, Balaam, molenge ti Beor ayeke daa. Balaam ayeke zo ti bango nda ti aye.

Aye so Nzapa afa 18:23

Wâ ti lamba akiri ti za na ndo ti mo pepe. Na ndo ti mo, zo ayeke kiri ti ma pepe go ti koli na wali so amu tere fini fini. Nda ni ayeke so: azo ti dengo buze ti mo ayeke ngangu ahon ala ti sese si mo handa amara kue na lege ti sarango aye ti mazi ti mo!”

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Aye so Nzapa afa 9:21

Azo ni azia nga lege ti fango zo, guengo na gbe ti yoro, sarango aye ti ndumba wala nzi pepe.