Jérémie 27:7 - Mbeti ti Nzapa - Tënë so amu fini

⁷ Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 27:7 Iomraidhean Croise

Abia (Psaumes) 37:13

Me Kota Gbia ayeke he zo ti sioni na ngia, ngbanga ti so lo hinga lo tene, lango so alingbi na zo ti sioni aga nduru awe.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Jérémie 27:22

‘Fade a yeke gue na akungba ni kue na Babilone, ayeke ngba kâ ngbii asi na ndembe so mbi yeke baa lege titene a kiri na ni ge.’ ” So tënë ti yanga ti KOTA GBIA laa.

Jérémie 34:1

Nabukodonosor, gbia ti Babilone, lo na aturugu ti lo kue, na azo ti akodro-gbia ti sese so kue ayeke na gbe ti komandema ti lo nga na amara kue alondo ti tiri bira na Jérusalem nga na agbata so angoro Jérusalem. Na ngoi ni so, tënë ti *KOTA GBIA asi na Jérémie, atene:

Jérémie 44:30

Tënë so KOTA GBIA atene ayeke so: Mbi yeke zia Faraon Hofra, gbia ti Ezipte na maboko ti azo so aye gi kuâ ti lo tongana ti so mbi zia lani Sedesias, gbia ti Juda, na maboko ti wato ti lo Nabukodonosor, gbia ti Babilone, lo so aye lani gi kuâ ti Sedesias so.”

Jérémie 46:13

Tënë ti *KOTA GBIA asi na wayanga-Nzapa Jérémie ndali ti Nabukodonosor, gbia ti Babilone na ndembe so lo ga ti tiri bira na Ezipte:

Jérémie 52:31

Ngu baleota na mbarambara na peko ti so a gbu Yoakin, gbia ti Juda a gue na lo na kodro wande, Evil-Merodak aga gbia ti Babilone. Na lango baleuse na oku ti nze baleoko na use ni, na kozo ngu so lo to nda ti le-gbia, lo sara nzoni be na Yoakin, gbia ti Juda si lo zi lo na da ti kanga.

Ezekiel 30:24

Me mbi yeke sara si maboko ti gbia ti Babilone awara ngangu si mbi yeke zia yongoro zeme ti mbi na maboko ti lo. Mbi yeke kungbi maboko ti Faraon si lo yeke dema na dawa ti wato ti lo tongana zo so awara ka ti fango lo.

Daniel 2:37

O gbia! Mo yeke gbia ti agbia. Nzapa so ayeke na yayu laa azia mo gbia; lo mu na mo komandema, ngangu na gonda.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Habakuk 2:7

Azo so asara boon na mo so, ala yeke londo hio ti ga na tere ti mo pepe? Ala yeke londo ti yingi mo pepe? Ala yeke nzi nga aye ti mo.

Habakuk 2:8

So mo nzi aye ti amara mingi so, fade tanga ti azo so angba so ayeke nzi aye ti mo, ndali ti so mo tuku mene ti azo, mo sara ye ti ngangu na kodro ti azo ni, na gbata ti ala nga na azo ti gbata ni.

Aye so Nzapa afa 14:8

Mbeni use ange aga na peko ti lo si atene: “Lo ti awe! Kota Babilone ati awe! Lo mu ngangu vin ti lo na amara kue titene ala nyon si ala sara asioni ye ti ndumba tongana lo.”

Aye so Nzapa afa 16:19

Ya ti kota gbata ni akangbi ota si agbata ti akodro nde nde atuku na sese. Nzapa adabe ti lo na kota gbata ti Babilone; lo mu vin ti ngonzo ti lo ti wâ na ya ti kopo titene azo ti gbata ni anyon.