Jérémie 27:6 - Mbeti ti Nzapa - Tënë so amu fini

⁶ Fadeso, mbi zia akodro so kue na maboko ti zo ti kua ti mbi Nabukodonosor, gbia ti Babilone. Ataa anyama ti ngonda, mbi mu ala na lo titene ala sara kua na lo.

Jérémie 27:6 Iomraidhean Croise

2 Agbia 25:28

Lo tene anzoni tënë na lo si lo zia lo na kota ndo ahon ambeni gbia so lo na ala ayeke na Babilone.

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Jérémie 21:7

Na pekoni, mbi yeke zia Sedesias, gbia ti Juda, lo na azo ti gbe ti lo, na maboko ti gbia ti Babilone. Mbi yeke zia nga na maboko ti gbia ni azo ti gbata ni, ala so angba na fini na peko ti sioni kobela ti bubango kodro, ala so angba na fini na peko ti bira na kota nzara. Biani, fade mbi yeke zia azo ni na maboko ti awato ti ala nga na maboko ti azo so aye gi kuâ ti ala. Gbia Nabukodonosor ayeke fâ azo ni kue, lo yeke zia zo oko pepe, lo yeke baa mawa ti zo oko pepe, lo yeke hinga zo oko pepe; so tënë ti yanga ti KOTA GBIA laa.’ ”

Jérémie 22:25

Mbi yeke sara si mo ti na maboko ti azo so aye gi kuâ ti mo, azo so mo sara mbeto ti ala mingi, so ti tene gbia Nabukodonosor na aturugu ti lo.

Jérémie 24:1

*KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 28:14

Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke zia na ndö ti go ti amara so kue zuge ti wen; ala yeke duti na gbe ti komandema ti Nabukodonosor, gbia ti Babilone. Ataa anyama ti ngonda, mbi yeke zia ala na gbe ti lo.”

Jérémie 43:10

Na pekoni, fade mo yeke tene na ala: ‘Baa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Mbi yeke tokua titene a iri zo ti kua ti mbi Nabukodonosor, gbia ti Babilone ti ga. Mbi yeke zia mbata ti lo ti gbia na ndö ti atêne so a lu ni ge so. Lo yeke leke gbefa ti lo ti gbia na ndo so.

Jérémie 49:30

Ala azo ti Hasor, ala kpe, ala hon hio! Ala honde tere ti ala na ya ti adu ti têne! So tënë ti yanga ti KOTA GBIA laa. Biani, Nabukodonosor, gbia ti Babilone, agbu li ti lo ti sara sioni na ala, lo leke na be ti lo ti sara sioni na ala.

Ezekiel 29:12

Mbi yeke sara titene Ezipte aga benyama ahon akodro so kue aga benyama. Agbata ti lo ayeke ga benyama ahon agbata so kue abuba; ye ni ayeke duti tongaso na ya ti ngu baleosio. Mbi yeke kangbi azo ti Ezipte na popo ti amara nde, mbi yeke kangbi ala kirikiri na ya ti akodro wande.

Ezekiel 30:24

Me mbi yeke sara si maboko ti gbia ti Babilone awara ngangu si mbi yeke zia yongoro zeme ti mbi na maboko ti lo. Mbi yeke kungbi maboko ti Faraon si lo yeke dema na dawa ti wato ti lo tongana zo so awara ka ti fango lo.

Daniel 4:12

Me kota gere ni na agunda ni, ala zia ni angba na ya ti sese. Fade angba na ya ti zingiri ti wen na ti bengba wen; fade angba na popo ti apere ti ngonda. Fade ngu ti pere ayeke mu tere ni kue si lo na anyama ayeke te pere.

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.