Jérémie 27:5 - Mbeti ti Nzapa - Tënë so amu fini

⁵ Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Jérémie 27:5 Iomraidhean Croise

Tongo nda ti aye 1:25

Nzapa asara amara ti anyama nde nde ti ngonda; lo sara amara ti anyama nde nde ti kodro, na amara ti anyama nde nde so ayeke hara harango. Nzapa abaa so ye ni ayeke nzoni.

Tongo nda ti aye 9:6

Zo so atuku mene ti mba ti lo, fade gi mba ti lo zo laa ayeke tuku mene ti lo, ngbanga ti so Nzapa asara zo si zo ni akpa gi lo Nzapa.

1 Agbia 8:42

– biani, azo ni ayeke ma tënë ti kota iri ti mo, tënë ti ngangu ti maboko ti mo, maboko ti mo so mo yoro – tongana lo ga na mbage ti kota da so ti sambela mo,

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Néhémie 9:22

Mo zia akodro-gbia na amara na maboko ti akotara ti e. Ala mu asese so ayeke nduru na ala titene aga ti ala: kodro ti Sihon, gbia ti Heshebon na kodro ti Og, gbia ti Bashan.

Abia (Psaumes) 102:25

Mbi tene: “Nzapa ti mbi, mo yeke na fini kpu na kpu! Mbi de ti si na ndambo ti lango ti fini ti mbi pepe; zi fini ti mbi ni hio tongaso pepe!”

Abia (Psaumes) 96:5

Anzapa kue ti amara nde ayeke gi asenge senge ye, me KOTA GBIA laa asara yayu.

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Ésaïe 42:5

Nzapa, *KOTA GBIA asara yayu, lo gbara le ti nduzu; lo gbara sese na aye so kue asigigi daa, lo mu fini na azo so ayeke na ndö ti sese, lo mu pupu ti wungo ni na azo ti ndö ti sese ni; tënë so lo tene ayeke so:

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 48:13

Na maboko ti mbi wani, mbi zia gere ti sese; na maboko ti mbi ti koli, mbi gbara le ti nduzu: gi so mbi iri ala, ala ga aluti.

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Jérémie 27:4

Fade mo yeke mu yanga na alembe ni ti gue ti tene na akota zo ti ala gi tënë so mbi tene na ala; alembe ni ayeke tene: Tënë so KOTA GBIA so ayeke na ndö ti dunia kue, Nzapa ti Israel atene ayeke so:

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Jérémie 51:15

KOTA GBIA asara sese na lege ti ngangu ti lo, lo sara si dunia abaa gigi na lege ti ndara ti lo, lo gbara le ti nduzu na lege ti hingango ye ti lo.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 4:14

‘Ngbanga so aga na lege ti mbela ti asanziri; tënë so aga na lege ti ndia ti ala so ayeke nde si ayeke nzoni kue; tongaso si aye so kue ayeke na fini ahinga atene, Nzapa so ayeke na yayu kâ na ndö ti aye kue laa ayeke gbia na ndö ti akodro ti azo. Lo laa lo yeke zia zo so be ti lo aye na li ti kodro; lo lingbi nga ti zia mbumbuse zo na li ti kodro ni.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 17:24

Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni.

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Ndia ti fani use ni 2:19

Ala yeke si na ndo so abaa le na sese ti azo ti mara ti Amon. Ala gi tënë na azo ti mara ti Amon ni pepe; ala tiri bira na ala pepe! Biani, fade mbi yeke mu sese na ala pepe na ya ti kodro ti azo ti mara ti Amon ni. Mbi mu sese ni na ahale ti Lot awe titene aga ti ala.”

Ndia ti fani use ni 2:21

Ala yeke angangu zo mingi, ala wu mingi si ala yeke ayongoro zo tongana azo ti mara ti Anak. Me KOTA GBIA afâ ala ahunzi ala kue na gango ti azo ti mara ti Amon; azo ti mara ti Amon atumba ala na ya ti kodro ni si ala duti na plase ti ala.

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

Ndia ti fani use ni 2:9

Na pekoni, KOTA GBIA atene na mbi: “Ala azo ti Israel, ala gi tënë na azo ti mara ti Moab pepe; ala tiri bira na ala pepe! Fade mbi yeke mu sese na ala pepe na ya ti kodro ti azo ti Moab ni. Biani, mbi mu sese ti Ar na ahale ti Lot awe titene aga ti ala.” –

Ndia ti fani use ni 32:8

Na ngoi so Nzapa so ayeke na yayu kâ na ndö ti aye kue amu sese na amara titene aga ti ala, na ngoi so lo kangbi popo ti azo ti ndö ti sese, lo fa katikati ti sese ti amara na lege ti wungo ti azo ti Israel.

Ndia ti fani use ni 4:17

limo ti mbeni ye so akpa nyama so ayeke na ndö ti sese wala ndeke so ayeke huru na le ti nduzu,

Ndia ti fani use ni 4:25

Tongana ala duti ande na sese ni aninga si ala du amolenge, amolenge ti ala adu amolenge, alingbi ala sara siokpari pepe na lege ti sarango mbeni yanda, limo ti mbeni ye so a leke na kode si akpa limo ti aye nde nde. Ala sara pepe ye so ayeke sioni ti so be ti KOTA GBIA Nzapa ti ala.

Ndia ti fani use ni 4:32

Moïse akiri atene: Ala azo ti Israel, ala gbu li ti ala na ndö ti aye so asi giriri kozoni, ye so asi kozoni na ala, ngbene ye so Nzapa asara zo na ndö ti sese. Ala gbu li ti ala na ndö ti ye so asi, ti londo na mbeni mbage ti yayu asi na mbeni mbage ni. Mbeni kota ye tongaso asi laoko awe? Zo ama mbeni tënë tongaso laoko awe?

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 5:16

“Alingbi mo ne babâ na mama ti mo, tongana ti so mbi KOTA GBIA, mbi mu yanga na mo. Tongaso si gigi ti mo ague, ayo si mo yeke duti nzoni na sese so mbi KOTA GBIA Nzapa ti mo, mbi mu na mo.

Ndia ti fani use ni 9:29

Andaa ala yeke azo ti mo, ala ga ye ti mo awe. Mo sara si ala sigigi na lege ti kota ngangu ti mo nga na lege ti maboko ti mo so mo yoro.”

Kolose 1:16

Na lege ti lo, Nzapa asara aye so kue ayeke na yayu na aye so kue ayeke na sese, aye so zo ayeke baa na aye so zo ayeke baa pepe, ayingo so aduti gbia, ala so ayeke makonzi na ala so ayeke na komandema. Nzapa asara aye kue na lege ti Christ, ndali ti Christ.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”