Jérémie 27:4 - Mbeti ti Nzapa - Tënë so amu fini

⁴ Fade mo yeke mu yanga na alembe ni ti gue ti tene na akota zo ti ala gi tënë so mbi tene na ala; alembe ni ayeke tene: Tënë so KOTA GBIA so ayeke na ndö ti dunia kue, Nzapa ti Israel atene ayeke so:

Jérémie 27:4 Iomraidhean Croise

Sigingo 5:1

Na pekoni, Moïse na Aaron ague, awara gbia Faraon si ala tene na lo: “Tënë so KOTA GBIA, Nzapa ti Israel atene ayeke so: ‘Zia azo ti mbi ague na benyama si ala sara matanga kâ ti gonda na mbi.’ ”

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 27:3

Na pekoni, mo yeke tokua ni na gbia ti Edom, ti Moab, ti Amon, ti Tir na ti Sidon; mo yeke mu ni na alembe ti agbia ni so aga na Jérusalem ti baa gbia Sedesias titene ala gue na ni.

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Jérémie 28:14

Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: “Mbi yeke zia na ndö ti go ti amara so kue zuge ti wen; ala yeke duti na gbe ti komandema ti Nabukodonosor, gbia ti Babilone. Ataa anyama ti ngonda, mbi yeke zia ala na gbe ti lo.”

Jérémie 51:19

Ti Nzapa, lo yeke tongana ala pepe, lo so lo yeke mosoro ti Israel; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.