Jérémie 27:12 - Mbeti ti Nzapa - Tënë so amu fini

¹² Mbi Jérémie, mbi tene na Sedesias, gbia ti Juda, gi oko tënë so, mbi tene: “Ayeke nzoni ala yeda ti yo zuge so gbia ti Babilone azia na ndö ti go ti ala, ala sara kua na lo nga na azo ti kodro ti lo, tongaso si fade ala, azo ti Juda, ala yeke ngba na fini.

Jérémie 27:12 Iomraidhean Croise

Amato 1:33

Me zo so ama mbi, mbeni ye ti sioni ayeke si na lo pepe, lo yeke duti kpoo, mbeto ti sioni ye ayeke sara lo oko pepe.”

Jérémie 17:4

Kodro so lani mbi mu na mo si aga ye ti mo, fade mo yeke do ni ti zia. Mbi yeke sara si mo ga ngbaa ti awato ti mo na ya ti mbeni kodro so mo hinga ni pepe. Biani, mo sara si wâ ti ngonzo ti mbi alondo; wâ ni ayeke gbi kpu na kpu.”

Jérémie 21:9

Zo so ayeke ngba na ya ti gbata so, fade lo yeke kui na lege ti bira, ti kota nzara na ti sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti aturugu ti Babilone, zo ni ayeke soo fini ti lo; ye so ayeke ngba na lo ayeke gi fini ti lo.

Jérémie 27:8

“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.

Jérémie 28:1

Gi na ya ti oko ngu ni so, so ti tene na osio ngu ni so Sedesias ato nda ti le-gbia na sese ti Juda, na nze oku ni, wayanga-Nzapa Hanania, molenge ti Azur, zo ti gbata ti Gabaon, ayeke na ya ti kota da ti Nzapa. Hanania ato nda ti tene tënë na mbi Jérémie na le ti awayango-sandaga nga na le ti azo kue, lo tene:

Jérémie 28:2

“Tënë so *KOTA GBIA so ayeke na ndö ti dunia kue, Nzapa ti Israel, atene ayeke so: ‘Komandema so gbia ti Babilone ayeke sara na ndö ti ala si ane tongana *zuge so, mbi yeke fâ ya ni.

Jérémie 38:17

Tongaso Jérémie atene na Sedesias: “Tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Tongana mo sigigi ti gue ti zia tere ti mo na maboko ti aturugu ti kota kamba ti gbia ti Babilone, fade mo yeke soo fini ti mo si a yeke gbi gbata so pepe; mo yeke ngba na fini, mo na asewa ti mo.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.