Jérémie 26:8 - Mbeti ti Nzapa - Tënë so amu fini

⁸ So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 26:8 Iomraidhean Croise

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 32:3

Sedesias, gbia ti Juda amu fade yanga titene a kanga Jérémie kâ. Biani, lo suku na Jérémie ngbanga ti tënë ti peko ti yanga ti KOTA GBIA so Jérémie atene: “Baa, tënë so KOTA GBIA atene ayeke so: Mbi yeke zia Jérusalem na maboko ti gbia ti Babilone si lo yeke mu ni.

Jérémie 43:1

So Jérémie ahunzi ti tene na azo ni kue atënë so kue *KOTA GBIA, Nzapa ti ala atokua lo ti tene na ala, so ti tene atënë so kue a fa peko ni ge so,

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Matthieu 22:6

Ambeni agbu azo ti kua ti gbia ni, apika ala si afâ ala.

Matthieu 27:20

Akota wayango-sandaga na *akangba apusu gba ti azo ni atene, ala hunda titene a zi Barabas si a fâ Jésus.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Aye so Nzapa afa 18:24

Kâ na Babilone laa a tuku mene ti awayanga-Nzapa, ti azo ti Nzapa na ti azo so kue a fâ ala na ndö ti sese.