Jérémie 26:23 - Mbeti ti Nzapa - Tënë so amu fini

²³ Ala gue, agbu Uria kâ na Ezipte si aga na lo na gbia Yoakim. Yoakim afâ lo; a mu kuâ ti lo si a bi na ya ti du so ayeke ndali ti azo kue.

Jérémie 26:23 Iomraidhean Croise

2 Agbia 23:37

Yoakim asara ye so ayeke sioni na le ti *KOTA GBIA gi tongana ti akotara ti lo.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 22:17

Me ti mo, mo yeke gi gi nzoni ti mo wani; nilaa azo so tënë ayeke na li ti ala pepe, mo ye gi ti tuku mene ti ala senge senge; mo ye gi ti sara ngangu na azo, ti sara ala na ngangu, na ngangu.”

Jérémie 22:19

Fade a yeke lu kuâ ti lo tongana ti nyama, a yeke gboto kuâ ti lo na sese ti bi na gigi, yongoro na ayanga ti gbagba ti Jérusalem.”

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 36:30

Tongaso, tënë so KOTA GBIA atene na tere ti Yoakim, gbia ti Juda ayeke so: Fade mbeni zo oko ti sewa ti lo ayeke duti pepe na ndö ti mbata ti gbia David. Kuâ ti lo ayeke lango na gigi na gbe ti sungo ti lâ nga na ya ti de ti bi.

Ezekiel 19:6

Lo tambula na popo ti abamara si lo ga ngangu bamara. Lo manda ti suru ya ti nyama si lo te azo.

Matthieu 14:10

Lo tokua mbeni zo na da ti kanga ti gue ti fâ li ti Jean-Baptiste.

1 Tesalonike 2:15

Azuife laa afâ *Kota Gbia Jésus na awayanga-Nzapa, ala sara nga ngangu na e. Ala yeke sara ye so azia ngia na be ti Nzapa pepe, ala yeke awato ti azo kue!

Ahebro 11:37

A bo ambeni na têne, a fâ ya ti ambeni use use na sii, a fâ ambeni na yongoro zeme. Ala hinga ndo so ala lingbi ti duti daa pepe si ala hon kirikiri, bongo ti ala ayeke gi poro ti tere ti taba wala ti ngasa. Ye kue atia ala, a sara ala sana si a sara ngangu na ala.

Aye so Nzapa afa 11:7

Me tongana ala hunzi tenengo peko ti tënë ti yanga ti Nzapa awe, nyama so ayeke londo na ya ti *kota du so alinda mingi ayeke sigigi, lo yeke tiri bira na ala, lo yeke hon ndö ti ala si lo yeke fâ ala.