Jérémie 26:21 - Mbeti ti Nzapa - Tënë so amu fini

²¹ Gbia Yoakim, lo na angangu turugu ti lo kue nga na akota zo ti kodro ti lo ama atënë so Uria atene. Tongaso, gbia agi lege ti fâ lo. So Uria ama tënë ni, mbeto agbu lo si lo kpe, lo gue na Ezipte.

Jérémie 26:21 Iomraidhean Croise

1 Agbia 18:10

KOTA GBIA, Nzapa ti mo ayeke na fini! Akab atokua azo na ya ti akodro ti amara kue nga na ya ti akodro-gbia kue titene azo agi mo aga na mo. Tongana mbeni zo atene: ‘Lo yeke na ya ti kodro ti e ge pepe’, lo yeke hunda na azo ti kodro ni ti deba yanga ti ala atene: ‘E wara mo pepe’.

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 24:21

Tongaso azo ni ama tere na hondengo ni na tere ti Zakarii; gbia amu yanga na ala si ala bo lo na têne, ala fâ lo na ya ti gbagba ti kota da ti KOTA GBIA.

Abia (Psaumes) 119:109

Kuâ ayeke gi mbi mbage na mbage kue, me mbi girisa ndia ti mo pepe.

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 10:39

Zo so aye ti bata fini ti lo, fade lo yeke girisa ni; me zo so agirisa fini ti lo ndali ti mbi, fade lo yeke kiri ti wara ni.”

Matthieu 14:5

Herode aye lani ti fâ lo, me lo kpe mbeto ti azuife, ngbanga ti so ala baa Jean tongana wayanga-Nzapa.

Marc 6:19

Be ti Herodiade ake Jean mingi si lo ye titene a fâ lo, me lo wara lege ni pepe.