Jérémie 26:2 - Mbeti ti Nzapa - Tënë so amu fini

² “Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 26:2 Iomraidhean Croise

Jérémie 1:17

Ti mo, ayeke nzoni mo leke tere ti mo! Londo, mo tene na ala atënë so kue mbi yeke mu yanga na mo ti tene. Ayeke nzoni mbeto ti ala asara mo pepe; tongaso pepe, mbi yeke sara titene mbeto ti ala agbu mo na dawa ti ala.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Jérémie 19:14

Jérémie alondo na Tofet, ndo so KOTA GBIA atokua fade lo daa ti tene peko ti tënë ti yanga ti lo si lo kiri. So lo kiri awe, lo luti na ya ti gbagba ti kota da ti Nzapa si lo tene na azo ti kodro kue, lo tene:

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 25:2

Jérémie atene tënë ni na azo ti Juda kue nga na azo ti Jérusalem kue, lo tene:

Jérémie 28:5

Wayanga-Nzapa Jérémie akiri tënë na wayanga-Nzapa Hanania na le ti awayango-sandaga nga na le ti azo so kue ayeke na ya ti kota da ti Nzapa,

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 42:4

Wayanga-Nzapa Jérémie atene na ala: “Mbi ma awe! Fade mbi yeke sambela KOTA GBIA, Nzapa ti ala tongana ti so ala hunda na mbi. Na pekoni, tënë so kue KOTA GBIA ayeke kiri ni na ala, fade mbi yeke fa ni na ala; mbi yeke honde tënë oko na ala pepe.”

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!

Jérémie 7:27

“Ti mo Jérémie, fade mo yeke tene peko ti atënë so kue na ala, me ala yeke ma mo pepe. Mo yeke iri ala, me ala yeke yeda pepe.

Ezekiel 3:10

Lo kiri lo tene na mbi: “Molenge ti zo, atënë so kue mbi yeke tene na mo so, mo zi mê ti mo ti ma ni, mo bata atënë ni kue na be ti mo.

Ezekiel 33:7

“Molenge ti zo, mo laa mbi zia mo sanziri ndali ti azo ti Israel. Fade mo yeke ma tënë ti yanga ti mbi si mo yeke gboto mê ti ala na mbi.

Ezekiel 40:4

Koli ni atene na mbi: “*Molenge ti zo, zi le ti mo, mo baa ndo nzoni, zi mê ti mo, mo ma tënë nzoni; le ti mo angba na ndö ti ye so mbi yeke fa na mo. Biani, a ga na mo ge titene mo baa ye ni. Aye so kue mo baa so, fade mo yeke fa peko ni na azo ti Israel.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Nzoni Tënë so Luc asu na mbeti 19:47

Lakue Jésus ayeke fa ye na ya ti da ti Nzapa. Akota wayango-sandaga, awafango-ndia na akota zo ti kodro ni kue ayeke gi lege ti fâ lo.

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.

Jean 8:2

Na kota ndaperere, lo kiri na ya ti kota da ti Nzapa, azo kue akiri abongbi na tere ti lo. Lo duti si lo yeke fa ye na ala.

Awatokua 20:20

Mbeni ye so alingbi ti sara nzoni na ala, ala hinga so mbi honde ni na ala oko pepe: mbi fa tënë kue si mbi fa nda ti ye kue na ala na le ti azo kue nga na ya ti ada.

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

Awatokua 5:25

Na pekoni, mbeni zo aga si lo tene na ala: “Baa, akoli so ala bi ala na da ti kanga so, ala yeke na ya ti kota da ti Nzapa si ala yeke fa ye na azo!”

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.

Aye so Nzapa afa 22:19

Tongana mbeni zo azi mbeni tënë ti peko ti yanga ti Nzapa so ayeke na ya ti buku so, fade Nzapa ayeke zi ye so aga ti zo ni si a tene tënë ni na ya ti buku so, so ti tene le ti keke so ayeke mu fini na zo nga na gbata so ayeke nde si ayeke nzoni kue.