Jérémie 26:11 - Mbeti ti Nzapa - Tënë so amu fini

¹¹ Awayango-sandaga na awayanga-Nzapa atene na agbenyogbia ni nga na azo ni kue, atene: “Koli so alingbi na kuâ! Biani, lo tene peko ti tënë ti yanga ti Nzapa na ndö ti gbata so; tënë ni laa ala wani ama na mê ti ala so!”

Jérémie 26:11 Iomraidhean Croise

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Matthieu 26:66

Ti be ti ala, ala tene nyen?” Azo ni akiri tënë na lo: “Lo lingbi na kuâ!”

Jean 18:30

Ala kiri tënë na lo: “Tongana lo sara fade sioni pepe, ka e ga na lo na mo?”

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Awatokua 22:22

Azo ni ama Paul ngbii asi na ndembe so lo tene tënë so; me na pekoni, ala to nda ti dekongo ngangu, atene: “Zi mara ti zo tongaso na ndö ti dunia so! Lo lingbi ti ngba na fini pepe!”

Ndia ti fani use ni 18:20

Me mbeni wayanga-Nzapa so atene tënë ti li ti lo wani na iri ti mbi, andaa mbi laa mbi zia tënë ni na yanga ti lo pepe, wala lo tene tënë na azo na iri ti ambeni nzapa nde, fade a yeke fâ wayanga-Nzapa so.”

Awafango-ngbanga 6:30

Tongaso azo ti gbata ni atene na Yoash: “Ga na molenge ti mo ni; lo lingbi na kuâ, ngbanga ti so lo kungbi gbalaka ti Baal na sese si lo de keke so a leke aluti na nduzu ndali ti Ashera si ayeke na tere ni.”