Jérémie 26:10 - Mbeti ti Nzapa - Tënë so amu fini

¹⁰ So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 26:10 Iomraidhean Croise

2 Agbia 15:35

Me ando so azo aleke na ndö ti ahoto ti voro anzapa nde daa, lo zi ni pepe. Azo angba ti gue kâ ti mu *asandaga na ti zö dukani. Yotam laa aleke yanga ti gbagba ti kota da ti KOTA GBIA, yanga ni ti mbage ti nduzu.

2 Mbai 27:3

Yotam laa asara yanga ti gbagba ti kota da ti KOTA GBIA, yanga ni ti mbage ti nduzu. Lo sara akua mingi ti kpengba ngangu gbagba ti vaka ti Ofel.

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 26:21

Gbia Yoakim, lo na angangu turugu ti lo kue nga na akota zo ti kodro ti lo ama atënë so Uria atene. Tongaso, gbia agi lege ti fâ lo. So Uria ama tënë ni, mbeto agbu lo si lo kpe, lo gue na Ezipte.

Jérémie 26:24

Me ti Jérémie, Ahikam, molenge ti Shafan abata lo; lo sara si Jérémie ati pepe na maboko ti azo so aye fade gi kuâ ti lo so.

Jérémie 34:10

Akota zo ti kodro na azo ti Jérusalem so kue ama tere na lege ti mbuki ni, ayeda ti zi angbaa ti ala, akoli ni na awali ni. Ala yeda nga si zo akiri amu mba ti lo na ngbaa pepe. Zo oko oko asara fade ye alingbi na tënë ti mbuki so, nilaa ala zi angbaa ti ala.

Jérémie 34:19

Akota zo ti Juda na ti Jérusalem, azo ti kua ti yangbo ti gbia, awayango-sandaga na asenge zo ti kodro, ala so kue ahon na popo ti kete bagara so a suru ya ni use so,

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 36:25

Andaa Elnatan, Delaya na Gemaria avoro tere ti ala fade na gbia titene lo gbi rulo ni pepe; me lo ma ala pepe.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 22:6

“Na ndo ti mo, makonzi oko oko ti Israel ayeke luti na ndö ti komandema so lo yeke na ni ti tuku mene.