Jérémie 24:6 - Mbeti ti Nzapa - Tënë so amu fini

⁶ Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 24:6 Iomraidhean Croise

Tongo nda ti aye 44:21

Mo tene na e, azo ti gbe ti mo, mo tene: ‘Ala ga na lo na mbi titene mbi baa lo na le ti mbi si.’

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

Néhémie 5:19

“Ae Nzapa ti mbi, mo dabe ti mo na ye so kue mbi sara ndali ti azo so! Mo sara nzoni be na mbi!”

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Abia (Psaumes) 44:2

Nzapa, e ma na mê ti e wani, ababâ ti e atene na e tënë ti akota ye so mo sara ando na ngoi ti ala, na ngoi ti giriri.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 60:21

Azo ti mo, ala kue ayeke duti azo ti mbirimbiri, sese ni ayeke ga ye ti ala kpu na kpu. Ala kpa kete keke so mbi lu; ala yeke azo so mbi wani, mbi sara ala na maboko ti mbi titene ala fa gonda ti mbi.

Jérémie 1:10

Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 12:15

Me na peko ti so mbi gboto ala na ndö ti sese ni awe, mbi yeke kiri ti baa mawa ti azo ni si mbi yeke kiri na zo oko oko na ndö ti sese ti lo nga na ya ti kodro ti lo.

Jérémie 16:15

me azo ni ayeke tene: ‘Na iri ti KOTA GBIA so ayeke na fini, lo so lo sara si azo ti Israel asigigi na kodro so ayeke na mbage ti Banga nga na akodro so lo tumba ala ando titene ala gue daa so!’ Fade mbi yeke sara si ala kiri na ndö ti sese so mbi mu ando na akotara ti ala.”

Jérémie 21:10

So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Jérémie 31:28

Lani, le ti mbi akpengba na ndö ti ala titene mbi gboto aye, mbi de aye na sese, mbi kungbi aye na sese, mbi buba aye si mbi sara sioni. Me fadeso, le ti mbi akpengba na ndö ti ala titene mbi leke aye na nduzu si mbi lu aye; so tënë ti yanga ti KOTA GBIA laa.

Jérémie 31:4

Maseka-wali Israel, mbi yeke kiri ti leke mo na nduzu, a yeke kiri ti leke mo na nduzu. Mo yeke kiri ti mu akete ngo ti mo na tere ti mo tongana aye ti pendere si mo yeke gue ti dodo na popo ti azo so ayeke sara ngia.

Jérémie 32:37

Lani mbi sara ngonzo na tere ti ala si ngonzo ti mbi ti wâ alondo na tere ti ala. Tongaso, na lege ti sioni ngonzo ti mbi, mbi kangbi ala na ya ti akodro mingi. Me mbi yeke bongbi ala, mbi yeke kiri na ala na ndo so si ala yeke duti na siriri.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Jérémie 33:7

Mbi yeke sara titene azo ti Juda na azo ti Israel akiri na kozo ndo ti ala, mbi yeke kiri ti leke ala na nduzu tongana ti kozoni.

Jérémie 33:9

Tongaso, fade ye ni ayeke sara si be ti mbi anzere, ayeke sara si azo agonda mbi si aga ye ti pendere ti mbi na le ti amara kue ti sese. Tongana amara ni ama tënë ti anzoni ye so kue mbi yeke sara ndali ti gbata ni, fade ala yeke do na mbeto si tere ti ala ayeke do ndali ti gba ti nzoni ye na siriri so mbi yeke mu na gbata ni.”

Jérémie 39:12

“Gue mo mu lo, mo baa ndo na tere ti lo; mo sara sioni na lo pepe, me mo sara na lo ye so kue lo yeke hunda na mo.”

Jérémie 42:10

‘Tongana ala yeda ti ngba na ya ti kodro so, fade mbi yeke kiri ti leke ala na nduzu, mbi yeke kiri ti kungbi ala na sese pepe; mbi yeke kiri ti lu ala tongana ti so a yeke lu keke, mbi yeke kiri ti gboto ala pepe. Fade mbi yeke zia lege ti sioni ye so mbi sara na ala.

Ezekiel 36:24

“Fade mbi yeke zi ala na popo ti amara nde, mbi yeke mu ala na sese nde nde, mbi yeke bongbi ala si mbi yeke kiri na ala na sese ti ala.

Amos 9:14

Fade mbi yeke sara si gigi ti azo ti Israel, azo ti mbi, akiri aga nzoni, ala yeke kiri ti leke agbata so abuba so, ala yeke lango na ya ti agbata ni, ala yeke fâ ayaka ti vinye, ala yeke nyon vin ni; ala yeke fâ ayaka si ala yeke te akobe ni.

Ndia ti fani use ni 11:12

ayeke sese so KOTA GBIA Nzapa ti ala laa ayeke bata ni. Ti londo na tongo nda ti fini ngu ngbii asi na nda ti ngu ni, le ti lo ayeke na ndö ni.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”