Jérémie 24:5 - Mbeti ti Nzapa - Tënë so amu fini

⁵ “Tënë so KOTA GBIA, Nzapa ti Israel atene ayeke so: Legeoko tongana ti so azo ayeke baa apendere fige so, mbi nga, fade mbi yeke baa na nzoni le azo ti Juda so mbi tumba ala ge si ala gue na sese ti Babilone so.

Jérémie 24:5 Iomraidhean Croise

Abia (Psaumes) 119:67

Kozo titene mbi baa pasi, mbi yeke gue ando kirikiri; me fadeso mbi yeke sara ye na lege ti tënë ti yanga ti mo.

Abia (Psaumes) 119:71

Pasi so asi na mbi, asara nzoni na mbi, tongaso si mbi manda ambela ti mo.

Jérémie 24:4

Tongaso tënë ti KOTA GBIA asi na mbi, atene:

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 29:20

“Ala, azo so a gbu ala si a gue na ala na kodro wande, ala so KOTA GBIA amu ala na Jérusalem si atokua ala na Babilone so, ala ma tënë ti KOTA GBIA si!

Jérémie 29:4

“Tënë so *KOTA GBIA so ayeke na ndö ti dunia kue, Nzapa ti Israel atene ndali ti azo so kue lo sara si a gbu ala na Jérusalem si a gue na ala na Babilone ayeke so:

Ezekiel 11:17

Tongaso, mo tene na ala, mo tene: Tënë so mbi Kota Gbia NZAPA, mbi tene ayeke so: ‘Fade mbi yeke zi ala na popo ti amara nga na ya ti akodro so mbi kangbi ala daa ti bongbi ala; mbi yeke kiri ti mu na ala sese ti Israel.

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Awayango-sandaga 26:44

Me ataa so kue, tongana ala yeke na kodro ti awato ti ala, mbi yeke ke ala biani biani pepe, be ti mbi ayeke ke ala pepe, mbi yeke hunzi ala pepe, mbi yeke buba tënë ti ya ti mbuki na ala pepe. Biani, mbi laa mbi yeke KOTA GBIA, Nzapa ti ala.

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Matthieu 25:12

Me koli ni akiri tënë: ‘Mbi tene na ala taa-tënë: mbi hinga ala oko pepe.’ ”

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

1 Korente 8:3

Me tongana zo aye Nzapa, Nzapa ahinga lo awe.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!