KOTA GBIA ayeke pika azo ti Israel si ala yeke ga tongana sosongo so ayeke yingi na le ti ngu. KOTA GBIA ayeke zi ala na ndö ti nzoni sese so lo mu ando na akotara ti ala si lo yeke kangbi ala kirikiri na mbage ti ngu ti Efrate. Ye ni ayeke si ande na ala, ngbanga ti so ala zia ngonzo na be ti KOTA GBIA na lege so ala akeke aluti na nduzu ndali ti nzapa-wali *Ashera.
Jérémie 24:10 - Mbeti ti Nzapa - Tënë so amu fini10 Fade mbi yeke tokua na ndö ti ala bira, kota nzara na sioni kobela ti bubango kodro. Ye ni ayeke ninga ngbii, ala kue ahunzi na ya ti kodro so mbi mu ando na ala nga na akotara ti ala so.” Faic an caibideil |
Jérémie 24:10
27 Iomraidhean Croise
Tongana azo ni ahunda mo, atene: ‘E yeke gue na ndo wa?’, fade mo yeke kiri tënë na ala: ‘Tënë so KOTA GBIA atene ayeke so: Zo so a diko lo ti kui, fade lo yeke kui! Zo so a diko lo ti kui na ya ti bira, lo yeke kui na ya ti bira! Zo so a diko lo ti kui kuâ ti nzara, lo yeke kui na nzara! Zo so a diko lo titene a gue na lo na kodro wande, a yeke gue na lo na kodro wande!’
Na ndo so, fade mbi yeke sara si poroso ti azo ti Juda na ti Jérusalem aga senge senge ye. Mbi yeke sara si ala ti na gbe ti awato ti ala si awato ni afâ ala na ya ti bira, awato ti ala ni ayeke baa mawa ti ala oko pepe. Mbi yeke sara si kuâ ti ala aga kobe ndali ti andeke ti nduzu na anyama ti sese.
“Tongana mbeni mara wala mbeni kodro-gbia ake ti sara kua na Nabukodonosor, gbia ti Babilone, tongana mara ni wala kodro ni ake ti yoro go ti lo na gbe ti zuge ti gbia ti Babilone, mbi yeke ga na tere ti mara ni na lege ti bira, kota nzara na sioni kobela ti bubango kodro. Na lege ti lo, mbi yeke sara si kodro ni abuba biani biani.
Mbi yeke tumba peko ti ala na lege ti bira, nzara na sioni kobela ti bubango kodro. Mbi yeke sara tongaso si akodro-gbia ti sese kue ado na kota mbeto na bango ala. Na ya ti akodro so kue mbi yeke kangbi ala daa, ala yeke ga tapande ndali ti azo so ayeke deba amba ti ala; ala yeke ga ye ti dongo be nga na ye so azo ayeke huru yanga ti ala na bango ni.
“Fadeso azo ti Babilone abongbi sese si aga *koto, ala ga nduru na gbata ni titene ala mu ni awe; ala yeke tiri bira titene ala mu gbata ni. Na lege ti bira, kota nzara na sioni kobela ti bubango kodro, gbaa fade gbata ni ayeke ti na maboko ti ala. Tënë so lani mo tene, ni laa asi awe so; ti mo, mo yeke baa gi ni bango!
“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.
“Mo tene na ala, mo tene: Tënë so Kota Gbia NZAPA atene ayeke so: ‘Fini ti mbi! Azo so angba na ya ti gbata so abuba awe so, fade ala yeke kui kuâ ti yongoro zeme; azo so ayeke na ya ti ngonda, mbi yeke mu ala na anyama ti ngonda titene ate ala; azo so ahonde tere ti ala na ndö ti ahoto nga na ya ti adu ti têne, sioni kobela ti bubango kodro ayeke fâ ala.
Tënë so Kota Gbia NZAPA atene ayeke so: “Mo pika maboko ti mo, mo do sese na gere ti mo si mo tene: ‘Ae!’ ndali ti asioni ye so kue azo ti Israel asara nga ndali ti aye so ala sara si zo alingbi ti baa na le ti lo fani use pepe so. Fade ala yeke kui na ya ti bira, na lege ti kota nzara nga na sioni kobela ti bubango kodro.
Mbi baa ndo si mbi baa mbeni mbarata so tere ti lo avuru akpa kuâ. Iri ti zo so aduti na ndö ti mbarata ni ayeke “Kuâ” si ndo ti akuâ ayeke mu peko ti lo. A mu na lo ngangu ti gue na ndö ti sese kue, ti fâ azo na yongoro zeme, na lege ti nzara, na lege ti kuâ nga na lege ti asioni nyama. Tongana azo ayeke osio, lo yeke fâ oko.
Sanasan