Jérémie 24:1 - Mbeti ti Nzapa - Tënë so amu fini

¹ *KOTA GBIA afa na mbi asakpa use ti fige so a zia na dawa ti kota da ti Nzapa. Ye ni so asi na peko ti so Nabukodonosor, gbia ti Babilone agbu Yekonia, molenge ti Yoakim, gbia ti Juda, na gbata ti Jérusalem, lo na akota zo ti sese ti Juda, azo ti sarango ye na kode na azo ti pikango ndao si a gue na ala na Babilone.

Jérémie 24:1 Iomraidhean Croise

2 Agbia 24:10

Na ngoi ni so, aturugu ti Babilone ague ti tiri bira na Jérusalem. Aturugu ti kota kamba ti Nabukodonosor, gbia ti Babilone laa ayeke na ndö ti ala. Ala ngoro gbata ni kue ti mu na bira.

2 Mbai 36:10

Na tongo nda ti fini ngu, gbia Nabukodonosor atokua aturugu ti mu lo ti gue na lo na Babilone, lo na aye ti ngangu ngere so ayeke na ya ti kota da ti KOTA GBIA. Na pekoni, lo mu Sedesias, mbeni sewa ti Yoakin, lo zia lo gbia ti Juda na ti Jérusalem.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Jérémie 13:19

A kanga lege ti lingo na ya ti agbata ti mbage ti Mbongo awe; zo oko ti zingo ayanga ni ayeke daa pepe. A gbu azo ti Juda kue, a gue na ala na kodro wande; a gue na ala kue kue kue na kodro wande.”

Jérémie 27:20

– Aye ni kue laa Nabukodonosor agbu na Jérusalem si ague na ni na Babilone pepe, na ndembe so lo gbu Yekonia, molenge ti Yoakim, gbia ti Juda, lo na akota zo kue ti Juda na ti Jérusalem. –

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 29:1

Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 37:1

Nabukodonosor, gbia ti Babilone amu Sedesias, mbeni molenge ti Yosias, azia lo gbia na kodro ti Juda. Tongaso Sedesias amu mbata ti gbia na peko ti Konia, molenge ti Yoakim.

Ezekiel 17:4

lo suru maboko ti keke ni so ayo na nduzu ahon atanga ni kue, lo gue na ni na kodro ti azo ti kango ye si lo zia ni na ya ti gbata ti azo ti dengo buze.

Ezekiel 19:9

Ala yoro kongi na hon ti lo, ala zia lo na ya ti kota sakpa ti wen si ala gue na lo na gbia ti Babilone. Ala bi lo na da ti kanga titene azo akiri ama go ti lo pepe na ndö ti ahoto ti Israel.”

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Amos 7:1

Ye so Kota Gbia NZAPA afa na mbi si mbi baa ni ayeke so: lo ngba ti leke gba ti agbadola. Andaa na ngoi ni so pere ato nda ti sigingo ni na peko ti so azo afâ kozo pere ni ti mu na gbia.

Amos 7:4

Ye so Kota Gbia NZAPA akiri afa na mbi si mbi baa ni ayeke so: Kota Gbia NZAPA airi wâ ti fâ ngbanga; wâ ni ahole angu ti gbe ti sese kue si agbi sese ti Israel kue.

Amos 7:7

Ye so *KOTA GBIA akiri afa na mbi si mbi baa ni ayeke so: Kota Gbia wani aluti na ndö ti dere ti da, lo gbu kamba ti mason na maboko ti lo.

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.