Jérémie 23:7 - Mbeti ti Nzapa - Tënë so amu fini

⁷ “So tënë ti yanga ti KOTA GBIA laa: Biani, mbeni lango ayeke ga so azo ayeke kiri ti tene pepe: ‘Na iri ti KOTA GBIA so ayeke na fini, lo so lo sara si azo ti Israel asigigi na sese ti Ezipte…’

Jérémie 23:7 Iomraidhean Croise

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 43:5

Mo sara mbeto pepe, ngbanga ti so mbi yeke na mo. Kâ na mbage ti To, mbi yeke sara titene *ahale ti mo akiri; kâ na mbage ti Do, mbi yeke bongbi azo ti mo na ndo oko.

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 30:3

So tënë ti yanga ti KOTA GBIA laa: Mbeni lango ayeke ga so mbi yeke sara titene azo ti Israel na azo ti Juda so ayeke azo ti mbi akiri na kozo ndo ti ala. Fade mbi yeke kiri na ala na ya ti kodro so mbi mu ando na akotara ti ala; ala yeke kiri ti mu ni titene aga ye ti ala; mbi KOTA GBIA laa, mbi tene.”

Joël 3:5

Tongaso, zo so kue ayeke iri KOTA GBIA ti mu maboko na lo, fade lo yeke soo kuâ. Na ndö ti hoto ti *Sion, na gbata ti Jérusalem, ambeni zo ayeke wara lege ti sigigi na ya ti akpale ni alingbi na tënë so KOTA GBIA atene. Azo so KOTA GBIA airi ala, ala yeke duti na popo ti azo so angba na fini.

Mishe 7:15

Sara titene e baa aye ti kpene ti mo tongana ti so mo sara ando na ndembe ti sigingo ti e na kodro ti Ezipte.