Jérémie 23:6 - Mbeti ti Nzapa - Tënë so amu fini

⁶ Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 23:6 Iomraidhean Croise

Abia (Psaumes) 45:5

Ti fa nengo ti mo ti gbia, mo ko na ndö ti mbarata, mo gue, mo tiri bira ndali ti taa-tënë, ndali ti fango ngbanga ti mbirimbiri. Na lege ti ngangu ti maboko ti mo, mo sara aye ti ziango mbeto na be ti azo!

Sigingo 9:26

Gi na sese ti Goshen oko, ndo so azo ti Israel aduti daa laa pembe ti bekpa atuku daa pepe.

Ésaïe 2:4

Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 32:1

Fade mbeni gbia ayeke le-gbia na lege ti mbirimbiri, amakonzi ayeke sara komandema alingbi na ndia.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 33:5

A ya iri ti KOTA GBIA, ngbanga ti so lo yeke duti na nduzu kâ. Lo sara si sarango ye na legeni na fango ngbanga ti mbirimbiri asi singo na ya ti Jérusalem kue.

Ésaïe 35:9

Na lege so, zo ayeke tengbi na bamara pepe, mbeni sioni nyama oko ayeke si kâ pepe, zo ayeke wara sioni nyama oko kâ pepe. Gi azo so KOTA GBIA azi ala laa ayeke mu lege ni so.

Ésaïe 42:6

“Mbi KOTA GBIA laa mbi iri mo na lege ti mbirimbiri. Mbi gbu mo na maboko ti mo, mbi bata mo si mbi zia mo titene na lege ti mo, mbi na azo e ga *ambuki; mbi zia mo titene mo duti lumiere ti amara kue.

Ésaïe 45:17

Me KOTA GBIA asoo azo ti Israel, lo soo ala ndali ti lakue lakue. Fade kamene ayeke sara ala pepe, kamene ayeke gbu le ti ala pepe lakue lakue, kpu na kpu.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 30:10

“Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Jérémie 31:23

Tënë so *KOTA GBIA so ayeke na ndö ti dunia kue, Nzapa ti Israel atene ayeke so: “Tongana mbi sara titene kodro ti Juda na agbata ti Juda akiri na kozo ndo ti ala, tënë so azo ayeke kiri ti tene laa: ‘Ayeke nzoni KOTA GBIA asara tufa na ndö ti mo, hoto ti *Sion so mo yeke nde si mo yeke nzoni kue; mo yeke ndo ti mbirimbiri!’

Jérémie 32:37

Lani mbi sara ngonzo na tere ti ala si ngonzo ti mbi ti wâ alondo na tere ti ala. Tongaso, na lege ti sioni ngonzo ti mbi, mbi kangbi ala na ya ti akodro mingi. Me mbi yeke bongbi ala, mbi yeke kiri na ala na ndo so si ala yeke duti na siriri.

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Ezekiel 21:27

Zeke so afa Jérusalem ayeke na ya ti maboko ti lo ti koli. Lo yeke mu yanga titene azo ague, afâ azo gbani gbani, ala dekongo ti bira, ala zia amasini ti bira na tere ti ayanga ti gbagba ni, ala bongbi sese aga *koto na tere ti gbagba ni, ala koro du na gbe ti gbagba ni.

Ezekiel 28:26

Kâ, ala yeke duti na siriri, ala yeke sara ada, ala yeke fâ ayaka ti *vinye; ala yeke duti na siriri na ndembe so mbi yeke fâ ngbanga na li ti azo so ayeke baa azo ti Israel ni tongana mbumbuse ye. Fade ala yeke hinga atene, mbi laa mbi yeke KOTA GBIA, Nzapa ti ala.”

Ezekiel 38:14

“Ndani laa, mo, molenge ti zo, tene peko ti tënë ti yanga ti mbi na tere ti Gog, mo tene: Tënë so Kota Gbia NZAPA atene ayeke so: Na lango so azo ti mbi, azo ti Israel, ayeke duti na siriri, fade mo yeke hinga tënë ni.

Ezekiel 48:35

Ti ngoro gbagba ni kue, yongo ni ayeke kudee 18 000. “Ti londo na lango ni so, fade iri ti gbata ni ayeke ‘KOTA GBIA ayeke na ndo so.’”

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Daniel 9:7

KOTA GBIA, mo yeke ti mo mbirimbiri, me ti e, gi kamene laa ayeke na le ti e. Ye ni laa e yeke baa laso na tere ti azo ti Juda nga na tere ti azo ti Jérusalem, na azo ti Israel kue, ataa ala so ayeke nduru wala ala so ayeke na yongoro ndo. Biani, azo ti mara ti e akangbi kirikiri na ando nde nde so mo tumba ala daa ndali ti so ala sara sioni so ake mo.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Abdias 1:17

Me azo so akpe si angba na fini, fade ala ayeke honde tere ti ala na ndö ti hoto ti *Sion; hoto ni ayeke kiri ti ga ndo so ayeke nde si ayeke nzoni kue. Fade *ahale ti Jacob ayeke kiri ti mu sese ti ala na maboko ti azo so amu ni lani so.

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Zakarii 10:6

Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.