Jérémie 23:16 - Mbeti ti Nzapa - Tënë so amu fini

¹⁶ Tënë so *KOTA GBIA so ayeke na ndö ti dunia kue atene ayeke so: “Atënë so awayanga-Nzapa ni ayeke tene na ala na iri ti mbi so, ala ma ni pepe, ala yeke handa ala handango. Atënë so awayanga-Nzapa ni ayeke fa na ala so, atënë ni alondo na li ti ala wani, alondo na yanga ti mbi, KOTA GBIA pepe.

Jérémie 23:16 Iomraidhean Croise

1 Agbia 22:11

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

2 Mbai 18:5

Tongaso gbia ti Israel abongbi awayanga-nzapa ngbangbo osio si lo hunda ala, lo tene: “Alingbi e gue, e tiri bira na gbata ti Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Nzapa ayeke zia gbata ni na maboko ti mo, gbia.”

Amato 19:27

Molenge ti mbi, tongana mo ye ti ma wango pepe, mo do lege ti mandango ye, mo zia ma!

Jérémie 14:14

KOTA GBIA akiri tënë na mbi: “Tënë so awayanga-Nzapa ni ayeke tene na iri ti mbi so ayeke mvene. Mbi tokua ala pepe, mbi mu yanga na ala pepe, mbi tene nga tënë na ala pepe. Aye so ala yeke baa na ya ti mbeni ye tongana bango-li so ayeke mvene; so gi atënë ti mbadi senge, atënë ti gingo nda ti ye senge na atënë ti handa so alondo na be ti ala wani.

Jérémie 2:5

Tënë so *KOTA GBIA atene ayeke so: “Lawa laa akotara ti ala abaa mbeni ye ti kirikiri so mbi sara si ala hon yongoro na tere ti mbi so? Ala gue na peko ti asenge senge ye si ala nga, ala ga asenge senge ye.

Jérémie 23:21

“Mbi tokua ti mbi awayanga-Nzapa so pepe, me ala laa ayeke mu loro ti be ti ala; mbi tene nga tënë na ala pepe, me ala yeke tene peko ti tënë ti yanga ti mbi.

Jérémie 23:26

Ala yeke ngba ti sara ye so ngbii asi lawa? Nyen laa asara li ti awayanga-Nzapa ni so si ala ngba ti fa atënë ti mvene tongaso so? So ayeke gi atënë so alondo na li ti ala wani ti handa na azo!

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Jérémie 29:8

“Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Awayanga-Nzapa so ayeke lango na popo ti ala, azo ti Jérusalem, ala zia lege na ala pepe ti handa ala; ala zia nga lege pepe na azo ti bango nda ti aye. Azo so ayeke fa nda ti abango-li ti ala, ala dingi mê ti ala ti ma tënë ti azo ni pepe.

Jérémie 9:12

KOTA GBIA akiri atene: “Ye ni asi tongaso, ngbanga ti so azo ni azia lege ti ye so mbi fa na ala, ala ke ti ma mbi; ala ke ti sara ye alingbi na tënë ti mbi.

Jérémie 9:20

“Biani, kuâ asi na tere ti fenetere ti e awe; lo li na ya ti apendere da ti e awe. Lo fâ amolenge na ndö ti alege; lo fâ amaseka na ndö ti abalabala.”

Abia ti demango tere 2:9

Ayanga ti gbagba ti gbata ti Sion ati, alango na gbe ti akungbingo gbagba ni. Angbongboro wen ti yanga ti gbagba ni so, lo de ya ni nduru nduru. A gbu gbia ti gbata ni na agbenyogbia ti lo si a gue na ala na popo ti amara nde. Tënë ti yanga ti Nzapa ayeke daa mbeni pepe; ataa azo ti tenengo peko ti yanga ti lo kue, lo kiri lo tene tënë na ala na lege ti mbeni ye tongana bango-li pepe.

Ezekiel 13:16

Ti ala awe, awayanga-nzapa so ayeke tene lani tënë ti peko ti yanga ti Nzapa na ndö ti Jérusalem si ala yeke baa ye na ya ti mbeni ye tongana bango-li, ala yeke tene, siriri ayeke daa, andaa siriri ayeke daa pepe!’ So tënë ti yanga ti Kota Gbia NZAPA laa.”

Ezekiel 13:23

Ndali ni, ye so ala yeke baa na ya ti mbeni ye tongana bango-li si ayeke mvene, ala yeke kiri ti baa ni pepe; bango nda ti aye so ala yeke baa ti handa na azo, ala yeke kiri ti baa ni pepe. Fade mbi yeke zi azo ti mbi na maboko ti ala. Tongaso, fade ala yeke hinga atene, mbi laa mbi yeke KOTA GBIA.”

Ezekiel 13:3

Tënë so mbi Kota Gbia NZAPA, mbi tene ayeke so: Mawa na ala, awayanga-nzapa so ahinga ndo pepe! Ala so abaa ye oko pepe si ala mu gi atënë ti ya ti li ti ala si ayeke tene so.

Ezekiel 13:6

Aye so ala baa na ya ti mbeni ye tongana bango-li ayeke mvene si bango nda ti aye ti ala ayeke ti handa na azo. Ala yeke tene: ‘So tënë ti yanga ti KOTA GBIA laa’, andaa mbi KOTA GBIA laa, mbi tokua ala pepe. Me ala yeke ku titene mbi sara si tënë ti ala aga taa-tënë!

Ezekiel 22:28

Awayanga-Nzapa ti ala ayeke kanga ndö ti aye so kue tongana ti so a yeke leke potopoto na tere ti dere. Aye so ala baa na ya ti mbeni ye tongana bango-li ayeke mvene si bango nda ti aye ti ala ayeke ti handa na azo. Ala yeke tene: ‘Tënë so Kota Gbia NZAPA atene ayeke so’; andaa mbi laa mbi tene tënë ni pepe.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

1 Jean 4:1

A-ita ti mbi so mbi ye ala mingi, tongana azo atene, ani yeke na Yingo ti Nzapa, ala yeda na ala kue pepe; me ayeke nzoni ala gi nda ti azo ni ti baa wala yingo so ala yeke na ni so alondo na Nzapa. Biani, *awayanga-nzapa mingi ti mvene amu ndö ti dunia kue awe.