Jérémie 23:11 - Mbeti ti Nzapa - Tënë so amu fini

¹¹ Ataa awayanga-Nzapa na awayango-sandaga, ala kue aga sioni. Ataa na ya ti kota da ti mbi, mbi baa peko ti asioni sarango ye ti ala ni; so tënë ti yanga ti KOTA GBIA laa.

Jérémie 23:11 Iomraidhean Croise

2 Mbai 33:5

Lo leke agbalaka na ya ti agbagba use ti kota da ti KOTA GBIA ndali ti aye mingi mingi so ayeke na le ti nduzu.

2 Mbai 33:7

Lo sara yanda si lo zia ni na ya ti kota da ti Nzapa. Andaa Nzapa atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Esdras 10:18

Na popo ti awayango-sandaga, akoli so amu awali so ayeke awande, ayeke so: ambeni koli ti kete mara ti Yeshua na a-ita ti lo, amolenge ti Yosadak: akoli ni ayeke Maaseya, Eliezer, Yarib na Gedalia.

Jérémie 11:15

KOTA GBIA atene: “Azo so mbi ye ala mingi so, ala kiri asara ye na mayere mingi. Ala ga ti sara nyen na ya ti da ti mbi? Ala baa atene, azendo so ala mu nga na asandaga so ala yeke ya na mbi so, ni laa alingbi ti kanga lege na kpale ni? Ni laa alingbi ti zi ala na ya ti kpale ni?

Jérémie 23:15

Tongaso, tënë so *KOTA GBIA so ayeke na ndö ti dunia kue atene na tere ti awayanga-Nzapa ayeke so: “Mbi yeke mu na ala sengo pere, ala te, mbi yeke mu na ala ngu so a tuku sioni yoro daa, ala nyon. Biani, na lege ti awayanga-Nzapa ti Jérusalem laa sioni asigigi, asua ngbii amu ya ti kodro ni kue.”

Jérémie 32:34

Ala zia afungo yanda ti ala na ya ti kota da so a zia nde ndali ti mbi; ala sara si da ni aga *sioni.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Jérémie 6:13

ngbanga ti so, ti londo na kete zo na popo ti ala asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 7:30

“Biani, azo ti Juda asara ye so ayeke sioni na le ti mbi. Ala zia afungo nzapa ti ala na ya ti kota da so a di iri ti mbi na ndö ni; ala sara si da ni aga *sioni; so tënë ti yanga ti KOTA GBIA laa.

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Abia ti demango tere 2:20

KOTA GBIA, mo baa nga maa! Azo ti mo laa mo sara na ala tongaso? Mo baa, awali so adu amolenge si abata ala so, ala kiri ti te amolenge ni tongana nyen so-oo? Azo ague ngbii ti fâ awayango-sandaga na awayanga-Nzapa taa na ya ti kota da ti mo biani?

Ezekiel 23:39

Gi na lango so ala fâ amolenge ti ala ni ti mu na sandaga na ayanda, ala si na ndo so a zia ni nde ndali ti mbi, ala sara si ndo ni aga sioni; ye so ala sara taa na ya ti da ti mbi laa.

Ezekiel 44:10

“Azo ti mara ti Lévi so ahon yongoro na tere ti mbi na ngoi so azo ti Israel amu lege ti kirikiri, ala do mbi azia si ala gue na peko ti ayanda. Ti azo ti mara ti Lévi ni so, fade sioni ti ala ayeke ngba na li ti ala.

Ezekiel 7:20

Ala sara baba ndali ti aye ti pendere ti ala. Ala mu aye ni, ala sara na angbongboro nzapa, afungo yanda ti ala so zo alingbi ti baa na le ti lo fani use pepe so. Ndani laa mbi yeke sara si aye ni so aga tongana zende na le ti ala.

Ezekiel 8:11

Akangba balembarambara ti azo ti Israel aluti na le ti alimo ni. Na popo ti ala Yazania, molenge ti Shafan ti koli ayeke daa. Zo oko oko agbu kete ta ti zongo na dukani na maboko ti lo si gba ti guru ti dukani ni ayeke ya ti gue na nduzu.

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.