Jérémie 23:1 - Mbeti ti Nzapa - Tënë so amu fini

¹ “So mawa! Awabatango-taba azia ataba ti mbi, ala yeke kui si ala yeke kangbi kirikiri!” So tënë ti yanga ti *KOTA GBIA laa.

Jérémie 23:1 Iomraidhean Croise

Jérémie 10:21

Ndali ti azo ti li ni laa ye so asi: ala yeke azo so li ti ala ayeke daa pepe, ala gi lege ti KOTA GBIA pepe. Ndani laa, kua ti ala ali ngu si azo so lani ayeke na gbe ti ala, ala kue akangbi kirikiri.

Jérémie 12:10

Awabatango-taba mingi abuba yaka ti *vinye ti mbi; ala do na gbe ti gere ti ala yaka ti mbi, ala sara si pendere yaka so aga benyama, aga ngonda.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 2:26

Legeoko tongana zo ti nzi so kamene ayeke sara lo na ndembe so a gbu lo, fade kamene ayeke sara azo ti Israel, ala na agbia ti ala, na akota zo ti kodro ti ala, na awayango-sandaga na awayanga-Nzapa ti ala.”

Jérémie 2:8

Awayango-sandaga ahunda ndo pepe, atene: ‘KOTA GBIA ayeke na ndo wa?’ Azo so ahinga nda ti *Ndia ahinga mbi pepe. Azo ti li ti kodro ake mbi awe; awayanga-Nzapa ayeke tene peko ti tënë ti yanga ti Baal si ala mu peko ti aye so alingbi ti sara mbeni ye oko pepe.

Jérémie 22:22

Azo ti li ti kodro ti mo kue, fade pupu ayeke ya ti mu ala ti hon na ala; a yeke gbu andeko ti mo ti gue na ala na kodro wande. Ndali ti sioni ye so kue mo sara, nengo ti mo ayeke ti na sese si kamene ahon ndö ti mo.

Jérémie 23:2

Ndani laa, tënë so KOTA GBIA, Nzapa ti Israel atene ndali ti awabatango-taba ni ayeke so; so ti tene ala so ayeke bata azo ti mbi so: “Ala zia ataba ti mbi akangbi kirikiri awe, ala tumba ataba ni, ala baa lege ti ala pepe. Ti mbi, mbi yeke baa lege ti ala, awabatango-taba ni, ndali ti asioni sarango ye ti ala; so tënë ti yanga ti KOTA GBIA laa.

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Ezekiel 13:3

Tënë so mbi Kota Gbia NZAPA, mbi tene ayeke so: Mawa na ala, awayanga-nzapa so ahinga ndo pepe! Ala so abaa ye oko pepe si ala mu gi atënë ti ya ti li ti ala si ayeke tene so.

Ezekiel 34:1

Tënë ti *KOTA GBIA asi na mbi, atene:

Ezekiel 34:21

Ala pusu angengo taba ni na kate ti ala, ala pusu ala na ndö ti go ti ala; ala mu didi akpo na ataba so kue ayeke na kobela; ala sara ngbii ataba ni akangbi kirikiri, yongoro na ndo ti tengo pere.

Ezekiel 34:31

“Ala azo, ala yeke ataba ti mbi, ataba so mbi yeke mu na ala kobe. Biani, mbi yeke Nzapa ti ala. So tënë ti yanga ti Kota Gbia NZAPA laa.”

Ezekiel 36:38

Ando, na ngoi ti akota matanga, anyama ti mungo na *sandaga asi singo na Jérusalem; a yeke ga na ala na lege ti bongbi ti ala. Agbata so abuba ando, gba ti azo ayeke kiri ti si singo na ya ni legeoko tongana anyama ni. Tongaso, fade azo ayeke hinga atene, mbi laa mbi yeke KOTA GBIA.”

Zakarii 10:3

*KOTA GBIA atene: “Ngonzo ti mbi alondo tongana wâ na tere ti azo ti batango ataba; mbi yeke ga na tere ti akoli-ngasa. Biani, mbi KOTA GBIA so mbi yeke na ndö ti dunia kue, mbi yeke ga ti sara nzoni na ataba ti mbi, ataba ti mbi so ayeke azo ti mara ti Juda. Fade mbi yeke sara titene ala ga tongana nzoni mbarata ti sarango na bira.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Jean 10:10

Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Jean 10:12

Me ti zo so ayeke taa wabatango-taba pepe si lo yeke sara gi kua ndali ti nginza, ataba ni ayeke ti lo pepe. Tongana lo baa mbo ti ngonda na gango ni, lo zia ataba ni, lo kpe. Tongaso mbo ti ngonda agbu ataba ni si lo tumba ala kirikiri.

Jean 10:8

Azo so kue aga kozo ti mbi ayeke azo ti nzi na asioni zo; me ataba ni ama yanga ti ala pepe.