Jérémie 22:9 - Mbeti ti Nzapa - Tënë so amu fini

⁹ Tongaso, fade a yeke kiri tënë na ala: ‘Ayeke ndali ti so azo ti gbata ni abuba ya ti *mbuki so ala na KOTA GBIA Nzapa ti ala asara: ala kuku na gbe ti anzapa nde ti voro ala.’ ”

Jérémie 22:9 Iomraidhean Croise

1 Agbia 9:8

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe, lo yeke huru yanga ti lo si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen?’

2 Agbia 22:17

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ayeke londo tongana wâ na tere ti gbata so; ngonzo ni ayeke kai ande pepe.

2 Mbai 34:25

Azo ti gbata ni azia mbi awe si ala zö dukani na anzapa nde; anzapa nde so ala leke so azia ngonzo na be ti mbi. Ndani laa ngonzo ti mbi ti wâ ayeke tuku na ndö ti gbata so; ngonzo ni ayeke kai ande pepe.

Jérémie 11:10

Sioni so akotara ti ala asara ando so, gi ni laa ala kiri daa. Akotara ti ala ni ake ti ma atënë ti mbi; ala kpe na peko ti anzapa nde ti voro ala. Azo ti Israel na azo ti Juda abuba ya ti mbuki so mbi na akotara ti ala, e sara ni.

Jérémie 11:3

Fade mo yeke tene na ala: Tënë so KOTA GBIA, Nzapa ti Israel atene ayeke so: Deba aga na ndö ti zo so abata tënë ti ya ti mbuki so pepe!

Jérémie 16:11

Tongaso, fade mo yeke kiri tënë: ‘So tënë ti yanga ti KOTA GBIA laa: Kota kpale ni ayeke ti na ndö ti ala, ngbanga ti so akotara ti ala ado mbi, azia, ala mu peko ti anzapa nde ti voro ala, ala ti akpo li ti ala na sese na gbe ti ala. Me mbi, akotara ti ala ni ado mbi, azia, ala ke ti sara ye alingbi na ye so mbi fa na ala.

Jérémie 50:7

Azo so kue awara ala ayeke te ala. Awato ti ala ayeke tene: ‘E sara ti e sioni oko pepe! Biani, azo ni laa asara siokpari ti ke KOTA GBIA, lo so lani lo yeke ndo ti dutingo mbirimbiri ti ala, lo so akotara ti ala azia ando be ti ala ti ku lo.’

Jérémie 9:13

Ala sara ngangu li si ala mu peko ti anzapa *Baal so akotara ti ala afa ando lege ni na ala.

Ezekiel 12:16

Me fade mbi yeke bata ambeni na popo ti ala so ayeke kui kuâ ti yongoro zeme pepe, kuâ ti nzara pepe nga na kuâ ti sioni kobela ti bubango kodro pepe. Tongaso si ala yeke fa na amara nde so ala yeke gue na popo ti ala, peko ti asioni sarango ye ti ala so zo alingbi ti baa na le ti lo fani use pepe so. Tongaso, fade amara nde ni ayeke hinga atene, mbi yeke KOTA GBIA.”

Ezekiel 14:23

Na bango dutingo ti azo ni nga na sarango ye ti ala, fade be ti ala, azo ti Israel, ayeke de. Tongaso, fade ala yeke hinga atene, aye so kue mbi sara na Jérusalem so, mbi sara ni senge pepe, nda ni ayeke daa. So tënë ti yanga ti Kota Gbia NZAPA laa.”

Ezekiel 39:23

“Fade amara nde ayeke hinga atene, ndali ti asioni ti azo ti Israel laa a gbu ala, a gue na ala na kodro wande, ndali ti asioni ye so ala sara ti ke mbi *KOTA GBIA. Ndani laa, mbi honde le ti mbi na ala, mbi zia ala na maboko ti awato ti ala si a fâ ala kue na ya ti bira.

Ezekiel 5:15

Na lege ti ngonzo ti mbi, ngonzo ti mbi ti wâ, mbi yeke fâ ngbanga na li ti mo, mbi yeke suku na mo na ngonzo ti mbi ti wâ. Amara so angoro mo ayeke he mo na ngia si ayeke zonga mo. Na bango mo, mbeto ayeke gbu azo ni si mo yeke ga ye ti gbungo-li na ala. Mbi KOTA GBIA, mbi tene tënë awe.

Ndia ti fani use ni 29:24

Fade a yeke kiri tënë: “Ye ni asi, ngbanga ti so azo ni abuba lege ti *mbuki so KOTA GBIA, Nzapa ti akotara ti ala asara na ala na ndembe so KOTA GBIA asara si ala sigigi na sese ti Ezipte.