Jérémie 22:7 - Mbeti ti Nzapa - Tënë so amu fini

⁷ Mbi yeke tokua azo ti ga na tere ti mo, ala yeke ga ti buba aye ti mo kue; zo oko oko ayeke ga na ye ti bira ti lo. Angbongboro pendere keke ti sedre ti mo so, ala yeke de ni na sese si ala bi na le ti wâ.

Jérémie 22:7 Iomraidhean Croise

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 5:15

So tënë ti yanga ti KOTA GBIA laa: Ti ala azo ti Israel, mbi yeke tokua mbeni mara so alondo na yongoro ndo ti ga na tere ti ala; ayeke mara so ala lingbi ti kinda ni pepe, mara ni ayeke ando giriri; ala hinga yanga ti kodro ti azo ti mara ni pepe, ala ma ya ti atënë so ala yeke tene pepe.

Zakarii 11:1

Hoto ti Liban, mo zi ayanga da ti mo si wâ agbi akeke ti sedre ti mo kue.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.