Jérémie 22:6 - Mbeti ti Nzapa - Tënë so amu fini

⁶ “Tënë so KOTA GBIA atene ndali ti yangbo ti gbia ti Juda ayeke so: Ataa na le ti mbi, mo pendere tongana gbako ti sese ti Galaad, wala tongana li ti hoto ti Liban, biani, fade mbi yeke sara si mo ga tongana benyama, wala mbeni gbata so azo alango daa pepe.

Jérémie 22:6 Iomraidhean Croise

Tongo nda ti aye 37:25

Na pekoni, ala duti ti te kobe. So ala yo le ti ala na nduzu, ala baa ambeni zo ti mara ti Ismael so alondo na sese ti Galaad si ayeke ga. *Azambala ti azo ni ayo akungba ti ambeni yoro na ayombo. Ala yeke gue na ni na Ezipte.

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

B. ti abia 4:1

Mo pendere mingi, mo so mbi ye mo so, mo pendere mingi! Na gbe ti mapia-bongo so mo bi na li ti mo, le ti mo apendere tongana ambipa. Kua ti li ti mo ayeke tongana gba ti angasa so alondo na li ti hoto ti Galaad ti zu na sese.

B. ti abia 5:15

Gere ti lo ayeke tongana angbongboro vuru têne ti marbre so aluti na ndö ti gere ni so ayeke na lôro ti nzoni ni. Ndö ti le ti lo ayeke tongana ahoto ti Liban, lo pendere tongana keke ti sedre.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 21:11

So ayeke tënë ndali ti asewa ti gbia ti Juda. “Ala ma tënë ti *KOTA GBIA si,

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 4:20

Azo ayeke dekongo, atene: “Aye abuba na peko ti tere, na peko ti tere!” Biani, kodro ni kue abuba awe! Gi hio tongaso, azo abuba ada ti mbi ti bongo; ala buba nga gbefa ti mbi.

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Jérémie 50:12

Kamene ahon ndö ti mama ti ala awe; lo so lo du ala so, lo ti buba awe. Fadeso lo ga ndangba ti amara kue, kodro ni aga benyama, aga kuru sese, lando so ahole kasakasa.”

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Jérémie 8:22

Na sese ti Galaad, mafuta ti kai na kobela ayeke daa mbeni pepe? Awanganga ayeke kâ mbeni pepe? Ngbanga ti nyen si ka ti azo ti mbi ade ti mu pepe so?

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 11:1

Hoto ti Liban, mo zi ayanga da ti mo si wâ agbi akeke ti sedre ti mo kue.

Wungo ti azo 32:1

Azo ti mara ti Ruben na ti Gad ayeke na gba ti anyama, anyama ni awu ahon ndoni. Nilaa ala baa so sese ti Yazer na ti Galaad ayeke anzoni sese ndali ti batango anyama.

Ndia ti fani use ni 3:25

Mbi gbu gere ti mo, zia mbi fâ ngu, mbi gue, mbi baa nzoni sese so ayeke na mbage ti ngu ti Jourdain, na pendere sese ti ahoto so nga na ahoto ti Liban maa!”