Jérémie 22:5 - Mbeti ti Nzapa - Tënë so amu fini

⁵ Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 22:5 Iomraidhean Croise

Tongo nda ti aye 22:16

lo tene na lo: “So tënë ti yanga ti KOTA GBIA laa: Ndali ti so mo sara tongaso si mo gbanzi oko molenge ti mo na mbi pepe, mbi deba na iri ti mbi wani,

2 Mbai 7:19

Me tongana ala zia peko ti ala na mbi si ala ke ti sara ye alingbi na andia ti mbi nga na atënë ti ndia ti mbi so mbi mu na ala, tongana ala gue ti sara na ambeni nzapa nde si ala kuku na gbe ti anzapa ni,

2 Mbai 7:21

Tongana mbeni zo ahon ande na tere ti kota da so azo agonda ni mingi so, fade li ti lo kue ayeke kpe si lo yeke hunda tere ti lo, lo tene: ‘KOTA GBIA asara na kodro so nga na kota da so tongaso ngbanga ti nyen’?

2 Mbai 7:22

Fade a yeke kiri tënë na lo, atene: ‘Ye ni asi tongaso, ngbanga ti so azo ti Israel azia KOTA GBIA, Nzapa ti akotara ti ala, lo so lo sara si akotara ti ala ni asigigi na sese ti Ezipte. KOTA GBIA asara si aye ti ngangu so asi na ala, ngbanga ti so ala mu peko ti ambeni nzapa nde, ala kuku na gbe ti anzapa ni si ala voro ala.’ ”

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Jérémie 12:7

“Mbi do da ti mbi, mbi zia awe; ye so ayeke ti mbi, mbi ke ni awe. Mara so mbi ye lo na be ti mbi kue, mbi zia lo na maboko ti awato ti lo awe.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 26:4

Fade mo yeke tene na ala: Tënë so KOTA GBIA atene ayeke so: ‘Ala ma mbi, ala tambula na lege ti andia so mbi mu na ala.

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 44:26

Ala azo ti Juda kue, ala so ayeke na kodro ti Ezipte so, ala ma tënë ti KOTA GBIA! Mbi deba na iri ti mbi so ayeke kota: na ya ti Ezipte kue, mbeni zo ti Juda ayeke kiri ti mu iri ti KOTA GBIA ti deba na ni pepe, atene: ‘Kota Gbia NZAPA ayeke na fini!’

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Matthieu 23:38

Fade ya ti da ti ala ayeke ngba senge senge.

Ahebro 3:18

Nzapa adeba yanga ti lo, atene: “Fade ala yeke li na kodro so pepe, kodro so mbi leke titene ala wu tere ti ala daa so”. Lo deba yanga ni na azo wa? Na azo so asara ngangu li so.

Ahebro 6:13

Na ngoi so Nzapa amu zendo na Abraham, mbeni zo so ayeke kota ahon Nzapa titene lo deba na iri ti lo ayeke daa pepe, nilaa lo deba na iri ti lo wani,

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.