Jérémie 22:10 - Mbeti ti Nzapa - Tënë so amu fini

¹⁰ Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Jérémie 22:10 Iomraidhean Croise

2 Agbia 22:20

Ndani laa, mbi yeke zia mo ti gue na tere ti akotara ti mo na siriri; a yeke lu nga mo na siriri na ya ti du ti kuâ ti mo. Sioni kpale so kue mbi yeke sara titene aga na ndö ti gbata so, fade mo yeke baa ni pepe.’ ” Kota wayango-sandaga Hilkia na amba ti lo akiri ague, atene peko ti tënë ni na gbia Yosias.

2 Agbia 23:29

Na ngoi so Yosias ayeke gbia, Faraon Neko, gbia ti Ezipte ague ti wara tere na gbia ti Asirii na mbage ti *bale ti Efrate. Gbia Yosias ague ti tiri bira na lo, me gi na ya ti kozo tengbingo tere ni, a fâ Yosias na Megido.

2 Mbai 36:4

Na pekoni gbia ti Ezipte amu Eliakim, ita ti Yoakaz, azia lo gbia ti Juda na ti Jérusalem. Lo zia fini iri na ndö ti lo so atene Yoakim. Ti ita ti lo Yoakaz, Neko amu lo ague na lo na Ezipte.

Zo ti bongbingo azo 4:2

Ti mbi, mbi baa so, azo so akui awe so, ti ala ayeke nzoni ahon ti azo so angba na fini.

Ésaïe 57:1

Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Jérémie 16:7

Zo ayeke mu kobe pepe na azo so ayeke na mua ti de be ti ala; zo ayeke mu nga kopo pepe na azo ni ti de be ti ala, ataa babâ wala mama ti ala laa akui.

Jérémie 22:11

Biani, tënë so KOTA GBIA atene ayeke so; tënë ni ayeke ndali ti Shalum, molenge ti Yosias, gbia ti Juda, lo so lo le-gbia na peko ti babâ ti lo si lo sigigi na ndo so lo hon awe; KOTA GBIA atene: “Fade lo yeke kiri na ndo so pepe;

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Jérémie 22:27

Nzara ti kiringo na ya ti kodro ti ala wani ayeke gbi be ti ala, me ala yeke kiri oko pepe.’ ”

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 28:4

Mbi yeke kiri nga na Yekonia ge, Yekonia, molenge ti Yoakim, gbia ti Juda, lo na azo so kue a gbu ala lani na sese ti Juda si a gue na ala na Babilone; so tënë ti yanga ti KOTA GBIA laa. Biani, komandema so gbia ti Babilone ayeke sara na ndö ti ala si ane tongana zuge so, mbi yeke fâ ya ni.’ ”

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Abia ti demango tere 4:9

Ala so akui kuâ ti bira, pasa ti ala ahon ti ala so akui na nzara. Ala yeke kui gi yeke-yeke ngbii ala hunzi kue, ngbanga ti so ala wara mbeni ye ti te pepe.

Ezekiel 24:16

“*Molenge ti zo, wali so anzere na le ti mo so, mbi yeke zi fini ti lo gi biaku tongaso. Me fade mo yeke toto kuâ ti lo pepe, mo yeke dema tere ti mo pepe, ngu ti le ti mo ayeke yuru pepe.

Nzoni Tënë so Luc asu na mbeti 23:28

Jésus abaa ndo na mbage ti ala si lo tene na ala: “Awali ti Jérusalem, ala toto ndali ti mbi pepe! Me ala toto ndali ti ala wani na amolenge ti ala,