Jérémie 21:10 - Mbeti ti Nzapa - Tënë so amu fini

¹⁰ So tënë ti yanga ti KOTA GBIA laa: Mbi wani, mbi yeke kiri na ndö ti gbata so ti sara sioni na ni, me nzoni pepe. Fade a yeke zia gbata ni na maboko ti gbia ti Babilone, lo yeke bi wâ daa.”

Jérémie 21:10 Iomraidhean Croise

2 Mbai 36:19

Azo ti Babilone agbi kota da ti Nzapa, ala kungbi na sese gbagba ti bira so ayeke na Jérusalem, ala bi wâ na ayangbo ti gbia kue si ala buba aye ti ngangu ngere na ya ti gbata ni kue.

Abia (Psaumes) 34:16

Le ti KOTA GBIA ayeke na ndö ti azo ti mbirimbiri, mê ti lo ayeke ma dekongo ti ala.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 33:5

Ambeni zo ayeke baa pasi senge ti gue ti tiri bira na azo ti Babilone; ala yeke sara gi titene ya ti ada so ayeke si singo na kuâ ti azo so mbi yeke fâ ala na lege ti ngonzo ti mbi nga na ngonzo ti mbi ti wâ. Mbi yeke honde le ti mbi na azo ti gbata so ndali ti sioni so kue ala sara.

Jérémie 34:2

“Tënë so KOTA GBIA, Nzapa ti Israel atene ayeke so: Gue mo baa Sedesias, gbia ti Juda; mo tene na lo, mo tene: Tënë so KOTA GBIA atene ayeke so: Mbi yeke zia gbata so na maboko ti gbia ti Babilone, fade lo yeke bi wâ daa.

Jérémie 34:22

Mbi yeke mu yanga titene aturugu ni akiri aga ti li na ya ti gbata ni, ala tiri bira na gbata ni, ala mu ni si ala gbi ni na wâ. Fade mbi yeke sara si agbata ti Juda aga ndo so ye kue abuba daa si zo ayeke daa mbeni pepe.” So tënë ti yanga ti KOTA GBIA laa.

Jérémie 38:17

Tongaso Jérémie atene na Sedesias: “Tënë so KOTA GBIA, Nzapa so ayeke na ndö ti dunia kue, Nzapa ti Israel atene ayeke so: ‘Tongana mo sigigi ti gue ti zia tere ti mo na maboko ti aturugu ti kota kamba ti gbia ti Babilone, fade mo yeke soo fini ti mo si a yeke gbi gbata so pepe; mo yeke ngba na fini, mo na asewa ti mo.

Jérémie 38:18

Me tongana mo ke ti zia tere ti mo na maboko ti aturugu ti kota kamba ti gbia ti Babilone, fade a yeke zia gbata so na maboko ti azo ti Babilone si ala yeke bi wâ na ya ni; ti mo, mo yeke kpe na maboko ti ala pepe.’ ”

Jérémie 38:23

Biani, fade a yeke mu awali ti mo na amolenge ti mo ti gue na ala na azo ti Babilone; ti mo, mo yeke kpe na maboko ti ala oko pepe. Gbia ti Babilone ayeke gbu mo ti ga zo ti kanga si lo yeke bi wâ na gbata ni.”

Jérémie 38:3

“Tënë so KOTA GBIA atene ayeke so: ‘Fade gbata so ayeke ti biani na maboko ti aturugu ti gbia ti Babilone si ala yeke mu ni.’ ”

Jérémie 39:16

“Gue mo tene na Ebed-Melek, zo ti Etiopii so, mo tene: ‘Tënë so KOTA GBIA so ayeke na ndö ti dunia kue, Nzapa ti Israel atene ayeke so: Lani mbi tene tënë ti nzoni ti azo ti gbata so pepe, me mbi tene tënë ti sioni ye so ayeke si na ala. Biani, fade mbi yeke sara si ye ni asi alingbi na ni; na lango ni so, fade mo wani, mo yeke baa na le ti mo.

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 44:11

Jérémie akiri atene: “Ndani laa, tënë so KOTA GBIA so ayeke ndö ti dunia kue, Nzapa ti Israel atene ayeke so: ‘Mbi leke na be ti mbi ti sara sioni na ala si mbi yeke hunzi azo ti Juda kue.

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 52:13

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Ezekiel 24:11

Mo zia tawa ni, ya ni senge, na ndö ti ale ti wâ ni titene tawa ni amu wâ si bengba wen ni abe. Tongaso, fade azende so ayeke na ya ni aga ngu si soko ni agbi.’

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Amos 2:5

Fade mbi yeke bi wâ na ya ti kodro ti Juda si wâ ni ayeke gbi ayangbo ti gbata ti Jérusalem kue.”

Amos 9:4

Tongana awato ti ala agbu ala ague na ala na kodro wande, kâ, mbi yeke mu yanga si a fâ ala kue. Le ti mbi ayeke ngba na ndö ti ala, mbi yeke sara sioni na ala, me mbi yeke sara nzoni na ala pepe.”

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”