Jérémie 20:8 - Mbeti ti Nzapa - Tënë so amu fini

⁸ Lakue, tongana mbi yeke tene tënë, alingbi mbi dekongo ti iri azo ti soo mbi, mbi tene: “Fango zo-oo, bubango ye-oo!” Ndali ti tënë ti KOTA GBIA, azo ayeke zonga mbi lakue si ala yeke he mbi na ngia lakue.

Jérémie 20:8 Iomraidhean Croise

2 Agbia 2:23

Élisée alondo na Jéricho ti gue na Betel. So lo ngba na lege ti guengo ni, ambeni maseka-koli alondo na ya ti gbata ni asigigi si ala yeke he lo, atene: “Li-mbombo, mo gue ma! Li-mbombo, mo gue ma!”

2 Mbai 36:16

Me azo ti Juda ahe awatokua ti Nzapa, ala baa atënë ti Nzapa tongana buba ye, ala he awayanga-Nzapa na ngia ngbii ngonzo ti KOTA GBIA ti wâ alondo na tere ti azo ti lo, ngonzo so ala lingbi ti sigigi na ya ni pepe.

Ésaïe 57:4

Zo wa laa ala yeke he lo so, zo wa? Zo wa laa ala zi yanga ti ala kota na tere ti lo, zo wa? Zo wa laa ala sigigi na menga ti ala na lo, zo wa? Ala yeke amolenge ti ngangu li pepe? Ala yeke azo ti mara ti tenengo mvene pepe?

Jérémie 15:10

Mama ti mbi, so mawa na mbi so mo du mbi so! Na ya ti kodro ni kue, azo ake mbi, ala ye gi kuâ ti mbi. Yongo ti mbi ayeke na li ti zo pepe, yongo ti mbeni zo ayeke na li ti mbi nga pepe, me azo kue ayeke deba mbi!

Jérémie 15:15

Mo KOTA GBIA, mo hinga ye kue! Dabe ti mo na mbi maa! Baa lege ti mbi maa! Mo kiri na azo ti sarango ngangu na mbi, peko ti sioni so ala sara na mbi! Ayeke nzoni mo kanga be ti ku ala kungo pepe, tongaso pepe, mbi yeke baa pasi. Ayeke nzoni mo hinga, mo tene, ndali ti mo laa mbi yeke kanga be na azonga ti azo ni so.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 20:7

*KOTA GBIA, mo handa mbi si mbi ti na ya ti handa ni. Mo gbu mbi na ngangu, mo hon ndö ti mbi awe. Lakue mbi ga buba na le ti azo; azo kue ayeke he mbi.

Jérémie 28:8

Awayanga-Nzapa ayeke daa ngbene ye ngu na ngu kozoni na mbi nga kozoni na mo. Ala tene peko ti atënë ti yanga ti KOTA GBIA na ndö ti akodro mingi nga na ndö ti akota kodro-gbia. Ala tene tënë ti bira, ti sioni kpale na ti sioni kobela ti bubango kodro.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Jérémie 5:6

Ndani laa fade abamara ti gbako ayeke gbu ala, ambo ti benyama ayeke suru ya ti ala. Aze ayeke ku ala na tere ti agbata ti ala. Azo so kue alondo na ya ti agbata ni ti sigigi, aze ni ayeke gbu ala si ayeke suru ya ti ala, ngbanga ti so ala sara ngangu li ahon ndoni; ala sara aye gbani gbani so ake Nzapa.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Habakuk 1:3

Mo sara si mbi baa ye ti sioni ngbanga ti nyen? Azo ayeke sara ngangu na amba ti ala, mo yeda ti baa ni na le ti mo ngbanga ti nyen? Ye so mbi yeke baa mbage na mbage ayeke gi gbungo ye ti azo na ngangu na sarango ngangu na azo. Tongana fango ngbanga ayeke daa, papa ayeke daa lakue.

Nzoni Tënë so Luc asu na mbeti 11:45

Mbeni oko ti awafango-ndia ni atene na lo: “Wafango-ye, tënë so mo yeke tene so, mo yeke zonga nga e laa!”

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Ahebro 13:13

Tongaso, e nga, e sigigi na ya ti gbagba ni, e gue na peko ti lo titene azo abongbi e na lo kue abaa e tongana azo ti buba.

1 Pierre 4:14

Ti ala nzoni, tongana azo ayeke zonga ala ndali ti iri ti Christ!Ti ala nzoni, ngbanga ti so Yingo ti gonda, so ti tene Yingo ti Nzapa, ayeke duti na ndö ti ala!