Jérémie 20:2 - Mbeti ti Nzapa - Tënë so amu fini

² Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 20:2 Iomraidhean Croise

1 Agbia 13:4

Gi so Yeroboam ama tënë so zo ti Nzapa atene na tere ti gbalaka ti Betel, lo yoro maboko ti lo na ndö ti gbalaka ni, lo dekongo, lo tene: “Ala gbu koli so!” Me maboko ti lo so lo yoro so angba gi na nduzu, ahole; lo lingbi ti kiri na ni na tere ti lo pepe.

1 Agbia 22:27

Mo tene na ala, mo tene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 18:23

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi na lege wa ti gue ti tene tënë na mo so?”

2 Mbai 24:21

Tongaso azo ni ama tere na hondengo ni na tere ti Zakarii; gbia amu yanga na ala si ala bo lo na têne, ala fâ lo na ya ti gbagba ti kota da ti KOTA GBIA.

Mbeti ti Job 13:27

Mo kanga gere ti mbi na zingiri; aye so kue mbi yeke sara, le ti mo gi na ndö ni; ndo so kue mbi yeke hon daa, le ti mo gi na peko ti mbi.

Mbeti ti Job 33:11

Lo kanga gere ti mbi na zingiri; aye so kue mbi yeke sara, le ti lo gi na ndö ni.”

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Jérémie 36:26

Lo mu yanga na Yerameel, molenge ti gbia, na Seraya, molenge ti Azriel nga na Shelemia, molenge ti Abdeel ti gbu wakuasu Baruk, lo na wayanga-Nzapa Jérémie; me Nzapa ahonde ala awe.

Jérémie 37:13

So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”

Jérémie 37:21

Tongaso gbia Sedesias amu yanga titene a bata Jérémie na ya ti gbagba ti aturugu ti batango gbia. Lo mu nga yanga titene a mu na lo na ya ti lango oko oko, mapa oko ti balabala ti awazongo-mapa; a mu ni na lo ngbii mapa ahunzi kue na ya ti gbata ni si! Nilaa Jérémie angba na ya ti gbagba ti aturugu ti batango gbia.

Zakarii 14:10

Ti londo na Geba ngbii asi na Rimon, na Mbongo ti Jérusalem, fade kodro ni kue ayeke ga lando. Jérusalem ayeke duti na ndo so ayeke na nduzu; gbata ni ayeke londo na yanga ti gbagba ti Benjamin ngbii asi na yanga ti gbagba so iri ni Ti-Ndangoro, ayeke gue ngbii asi na ngbene yanga ti gbagba ni; akiri ague ngbii asi na kota da ti Hananeel so ayo na nduzu, ngbii asi na ndo so a yeke pete vin ti gbia daa.

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Awatokua 4:3

Azo ni agbu ala, azia ala na da ti kanga ti ku na ndaperere, ngbanga ti so lâ akui awe.

Awatokua 5:18

Ala gbu awatokua ni si abi ala na da ti kanga.

Awatokua 5:40

Ala iri awatokua ni, apika ala na fimbo si amu yanga na ala ti kiri ti tene tënë na iri ti Jésus pepe. Na pekoni, ala zi awatokua ni.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.